ريهام سعيد للجمهور: “متعملوش نفس الغلطة كل مرة.. ليه الصدق بيضايقكم”

عبرت الإعلامية ريهام سعيد عن سعادتها بردود الفعل التي تلقتها عن حلقة أمس من برنامجها “صبايا الخير”، وهي “صيد الثعالب”، بالرغم من موجة الجدل المثارة حول الحلقة، والتي دفعت القناة للاعتذار، ورفعها من على جميع المنصات التابعة للشبكة بما فيها يوتيوب..

وقالت ريهام سعيد في “لايف” نشرته عبر حسابها الشخصي بموقع التواصل الاجتماعي “فيس بوك”: “في ناس طبعا مضايقة إن الثعلب بيتم صيده بالطريقة دي، وإنها حاجة مفيهاش رحمة، بس أنا مبسوطة إن البرنامج سلط الضوء على إن الصيادين دول بيصطادوا بطريقة مش فيها رحمة، بس أنا مبسوطة بالرغم من العواقب، إن البرنامج سلط الضوء، على قضية الإعلام لم يتطرق لها من قبل، والبرنامج مسجل، يعني كنت ممكن أمنتج اللقطات بتاعت الثعلب ويطلع في الآخر بس، ولكن أنا معملتش كده علشان طول عمر البرنامج ده حقيقة، وبقدم الحاجة زي ما هي بحلوها وبمرها”.

وتابعت: “أنا مالي الصيادين هما اللي بيصطادوا بالطريقة دي، بتهاجموني أنا ليه، أنا مش اخترعت الطريقة ولا قولت للصيادين يصطادوا كده، أنا طلعت قولت الحقيقة، هو ليه الصدق بيضايقكم، رجاء من جمهوري متعملوش نفس الغلطة كل مرة”.

ناشطة في حقوق الحيوان تطالب بالقبض على ريهام سعيد

ريهام سعيد ترد على مهاجميها: “الناس داخلة فيا شمال أوي” (فيديو)