فيفي عبده عن الراقصات الأجنبيات: “دول زمبلك مبيقدموش فن.. ومعرفش مين لورديانا دي”

تحدثت الفنانة فيفي عبده، عن الراقصات الأجنبيات اللاتي ظهرن في مصر السنوات الأخيرة، وأصبحن يتواجدن في كافة الفعاليات والحفلات على عكس الشرقيات.

وقالت عبده خلال مداخلة هاتفية مع برنامج “التاسعة” الذي يقدمه الإعلامي وائل الإبراشي: “دول زمبلك ملهمش في الرقص الشرقى، أنا سيبت الأفراح بقالي فترة، وبكتفى أطلع مع جمهورى من بيتي”، مردفة: “أنا مش ضد الراقصات الأجنبيات إحنا اللي بنعلمهم، لكنهم مبيقدموش فن، ومش عارفة مين لورديانا دي”.

 وتابعت: “بقالي 6 أشهر بتعالج ومكنتش بقول، مكنتش بقدر أتحرك، ولا في سبب ولا أي حاجة، نازلة من السرير حاجة ضغطت على عصب رجلي وألمها فظيع جدا، لما بقيت كويسة كان لازم أطمن جمهوري، وأنا مش عيانة للدرجة دي، أنا بقعد وبتكلم وكل حاجة”. وردا على الإعلامية نجوى إبراهيم بقولها: “انتي اتحسدتى”، قالت فيفى عبده: “العين مذكورة في القرآن ومش لاقيالها حل،  والخرزة الزرقاء بنسى ألبسها، والبيت مليان خرز أزرق”. وعلقت الإعلامية نجوى كرم قائلة: “سألت دكتور ليه الأرزق؟، قال إن اللون الأزرق أول لون تتعرف عليه العين، ونجد بعض البلاد العربية مشهورين بالعين الزرقاء”. ومن جانبه علق الإعلامي وائل الإبراشي: “بختلف معاكم، وإحنا بنحارب الشعوذة والجدل، والناس يجب أن تلجأ للقرآن”.

الراقصة انستازيا: “مصر سبب نجاحي.. وبتعلم من الأستاذة فيفي عبده” (فيديو)