السبكي: "خسارة المنتج مكسب للسينما.. ونشتغل أحسن من وقف الحال"
قال المنتج محمد السبكي، إن صناعة السينما تعانى منذ ظهور فيروس كورونا والتي بدأت بالإغلاق ثم التشغيل بنسبة محدودة، مقترحًا أن يتم توزيع عرض الأفلام الكبرى من خلال عرض فيلمين فى العام مثلا بدلا من 10 أفلام وتكون هناك خطة لطرح الأفلام على التوالي، قائلا: "لازم نعرض الأفلام الكبيرة ونوزع الأفلام على قاعات العرض".
وعن احتمالية خسارته حال عرض أفلامه الكبرى، رد محمد السبكي فى حوار ببرنامج "حديث القاهرة" مع الإعلاميين خيري رمضان وكريمة عوض، على قناة القاهرة والناس: "هيعمل إيرادات كتير، ولو خسر ايه المشكلة بس نشغل السينما".
وتابع: "الخسارة المؤقتة للمنتج هى مكسب للسينما.. كل المنتجين كسبوا من السينما يدوها دلوقتي".
استكمل: "معايا فيلم أول لما يخلص هعرضه والقاعات فاضية نوزع العرض بس مننزلش كلنا مع بعض بالأفلام، ويبقى مثلا كفاية فيلمين في السنة وبلاش يكون 10 أفلام فى وقت واحد منتشرة ودور السينما".
وأضاف أن "توزيع عرض الأفلام أحسن من وقف الحال، وممكن نعرض فى المنصات بس بعد السينما، ولازم يحصل تنظيم تتولاه غرفة صناعة السينما".
"صناعة السينما" تفسر رفضها طرح "صاحب المقام" في دور العرض: اختيار المنتج أحمد السبكي
