صناع ألبوم "يا أنا يا لأ" يهنئون عمرو دياب.. ويصفونه بـ "الأسطورة" (صور)

عهد هاني

السبت 26/ديسمبر/2020 - 08:22 م

وجه صناع ألبوم "يا أنا يا لأ" رسالة تهنئة وشكر للهضبة عمرو دياب، بعد طرحه أمس عبر تطبيق إحدى شركات الاتصال في مصر، وطرح برومو ثلاث أغانٍ من الألبوم عبر "يوتيوب".

ونشر الشاعر صابر كمال صورة تجمعه بـ"الهضبة" عبر حسابه الشخصي على "فيس بوك"، وكتب: "دار في ذهني سؤال بعد ما خلصت الغنوة، مين عنده الجرأة يقول الكلام ده؟ فقلت وارد الاقي مطرب شجاع يتحمس للتجربة حتى لو هيعدل بعض الكلمات فيها لأني عارف إن مش أي حد يقدر ياخد الريسك ويخاطر ويقول كده، ثم عرفت إن عندنا مطرب فتوة اسمه عمرو دياب أخدها من غير ما يغير فيها حاجة، ولقيته بيكلمني تاني يوم سعيد بالغنة، وبيقول مقاطع منها معايا وبيقوللي أنت كاتب موضوع من ريحة صلاح جاهين وفؤاد حداد، شكرًا نجمنا الكبير عمرو دياب، طول عمرك مغامر ومجدد وشجاع وسباق وبشكر أستاذنا وموسيقارنا الكبير وليد سعد اللي حصللي الشرف بالتعاون الأول معاه، وحس الكلام وعبّر عنه بشكل أجمل مما كنت متخيّل، وشكرًا للموزع الكبير أحمد عادل ولمهندس الصوت أستاذ أمير محروس ولكل صناع العمل".

وعبر الملحن والموزع إسلام زكي عن سعادته بالتعاون مع "الهضبة"، ونشر صورة تجمعه بجميع فريق الألبوم، وكتب عبر "فيس بوك": "تاريخ كبير قوي في الصورة دي وأسماء كنت بشوف اسمها بس على الكوفرات وأنا صغير وقبل ما أدخل الوسط ده وكلهم أستاذة كبار ومنهم مش في الصورة كمان كان نفسي يكونوا معانا عشان يكتمل التاريخ بجد، شكرًا يا هضبة إنك جمعتني وسط الأساتذة الكبار كلها ومبسوط برجوعي في الألبوم ده وبالإنية رقم 8 في مشواري معاك بعد 7 أغاني من أنجح أغمال وإن شاء اله اللي جاي كمان يبقى عند حسن ظن الجمهور اللي بيدعمني من أول ما عرف إني هطون موجود في الألبوم".

بينما شارك الشاعر ومطرب الراب خالد تاج الدين متابعيه صورة من الاستوديو، عبر حسابه الشخصي على "فيس بوك"، وكتب: "من ستوديو m sound حالًا.. عمرو دياب اللي مجمع الحبايب.. وحشتوني كلكم ووحشني موود أحلى ستوديو في الدنيا".

وأشاد الشاعر تامر حسين بنجاح عمرو دياب على مدار السنوات الماضية، ونشر صورة تجمعه به من الاستوديو، عبر حسابه الشخصي على "انستجرام"، وقال: "مبروك حبيبي وصديقي وأخي الغالي وكبيرنا، الفنان عمرو دياب بالنجاح والتوفيق ودايمًا عامله حالة بوجودك وبمُعافرتك وإصرارك وحرصك على إرضاء مُختلف الأجيال والأذواق والتواصل بشكل دائم مع جمهورك فنيًا ومجمع كُل المُبدعين بتنافس شريف يستفاد منه الجمهور ويستمتعوا بفن جيد يليق بيهم".

وأردف: "و بأغنيتينى الجُداد شكرًا وعايز اعمل زيك، أصبح رصيدى فى مشوارك الكبير 53 أغنية وليا الشرف ومكملين إن شاء الله، ألف مبروك ومبروك لكُل زمايلي المُبدعين من أصغرهم لأكبرهم أساتذة ومُؤثرين دايمًا".