محمد صبحي عن زوجته الراحلة في ذكرى ميلادها: "العالم أصبح قبيحًا" (صورة)
حرص الفنان محمد صبحي ذكر زوجته الراحلة في عيد ميلادها، الذي يوافق اليوم الجمعة، حيث أشار إلى أن الحياة بدونها مملة والوقت لا يمر سريعًا بسبب غيابها.
كتب في منشور عبر صفحته الرسمية بموقع التواصل الاجتماعي "فيس بوك": "حبيبتي.. النهاردة يوم ميلادك 8 ينايركل لحظة في رحمة ومغفرة وسكينة".
تابع صبحي: "أفتقدك وأفتقد العالم من غيرك، ولكن ما يريحني انك رحلتي في وقت.. فيه العالم أصبح قبيح.. وما يعينني بعدك هو كل لحظة وكل يوم وكل كلمة كانت بيننا.. أحبك".
في وقت سابق، رد الفنان محمد صبحي على منتقديه، في تصريح خاص لـ"القاهرة 24"، وقال: "الانتقادات لا بقرأها ولا أحب أعرفها، ودول ناس محضرين نفسهم علشان يسيبوا كل حاجة ويمسكوا في حاجات زي كدة، ودول ناس جهلة".
عن وضع صورته على التمثال قال: "ده شيء طبيعي لأن أنا اللي بكرم الناس، ومكتوب حيثيات التكريم، ومكتوب اسمهم، وحبيت أسيب ذكرى عندهم، وأنا يهمني الفنانين اللي اتكرموا، لإني عامل الاحتفالية دي علشان أكرمهم، وكفاية إن هما كانوا فرحانين، ومهياش جايزة بلاستيك زي اللي بيعملوها، ويكتبوا عليها اسم الشركة أو اسم النادي، وميكتبوش السنة واسم المكرم".
نضال الشافعي: سمير غانم ومحمد صبحي ويحيى الفخراني ثلاثي النهوض بالمسرح
وتابع: "لكن أنا عامل شيء قيم ومتكلف جامد، والدكتورعبد المجيد إسماعيل، هو اللي نحت التمثال ده على شكل مصغر، والتمثال الأصلي اللي كان عمله جمال السجيني، اللي عمل تماثيل لطه حسين وأم كلثوم وعباس العقاد، وجه سنة 1976، وعملي التمثال ده، وأكيد مش هقدر أعمل تمثال لكل مكرم".
محمد صبحي في ذكرى وفاة سعاد نصر: "أفتقدك في زمن اللافن والانحلال"
