لبلبة: "رفضت الزواج مرتين بعد حسن يوسف.. قالولي إزاي عادل إمام يحضنك ويبوسك"

كشفت الفنانة لبلبة تفاصيل رفضها الزواج، بعد طلاقها من زوجها الوحيد الفنان حسن يوسف، عندما كانت تبلغ من العمر 17 عامًا، وعدم تكوين أسرة طوال هذه السنوات الماضية.

وقالت لبلبة خلال لقائها مع الإعلامي محمود سعد ببرنامج "باب الخلق" على فضائية النهار: "حصلت لي ظروف لما اتجوزت وأنا عندي 17 سنة، وهي المرة الوحيدة، كان ممكن يكون في تاني وتالت، بعد ما حصل الانفصال اديت كل روحي للفن، والفن جري والسنين جريت ورا بعض، اللي حصل أن في اتنين حبوني وكانوا عايزين يتجوزوني بس مش قابلين الفن، قالوا إزاي مراتي تروح تصور وتخلي عادل إمام يحضنها ويبوسها".

وتابعت: "حبيت أعيش كده وأتذوق الفن، أنا أخواتي مش فنانين بس بيتذوقوا الفن، اللي طلبني للجواز كنت بحبه وأتمنيت أعيش معاه، بس شفت أنه زي القطر في قطر رايح وغيره راجع، وقولتله روح اعمل أسرة، الفن يسرق عمرك بس تبقى مبسوط، أنا عمري ما ندمت إني مكونتش أسرة، لما روحت كيب تاون في جنوب إفريقيا مكنتش عارفة أني هاخد أفضل ممثلة عن فيلم "ليلة ساخنة".

لبلبة باكية: "فقدت عائلتي بوفاة وحيد حامد" (فيديو)

لبلبة تنهار في جنازة وحيد حامد: "عشت سنين عمري معاه.. مفيش ولا هييجي زيُّه"