بعد انفصالها عن الهضبة.. نور عمرو دياب تتحدث عن دينا الشربيني (صورة)

جاوبت نور الأبنة الكبرى للفنان عمرو دياب، على سؤال أحد متابعيها عن هل تحب الفنانة دينا الشربيني أم لا؟، وذلك عقب انفصالها عن الهضبة في الفترة الأخيرة.

وقالت نور عبر حسابها الشخصي بـ"انستجرام": "بالطبع أحبها بشدة، هي طيبة وجميلة ورائعة".

وفي سياق متصل، كشفت الفنانة دينا الشربيني، رأيها في الزواج بشكل عام، وأن مشاكل الزواج تحدث لأننا نتعامل معه كنهاية للعلاقة لا كبداية لها.

وقالت الشربيني خلال حلقة تجمع بينها وبين الفنان عمرو يوسف في برنامج "بصراحة" عبر قناة "mbc": "للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون فيه فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة ولا عصير وفجأة يلاقيها بتضرب أي حاجة في التلاجة".

وتابعت: "الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، لو ما بينا صراحة من الأول مظنش أن ده هيحصل".

واستكملت: "كل واحد من الطرفين بيتخيل أنه بيمتلك اللي قدامه، ومش قصدي على الرجالة بس، لما بيبقى نفسك في شنطة أوي بعد ما تمتلكها عادي ممكن ترميها على الأرض، كمان التعود حاجة سلبية، اللي هو خلاص اتجوزتها خلاص وتحط في بطنك بطيخة صيفي، المفروض كل يوم يبقى وكأنه يوم جديد وحياة جديدة.. أنا بحب الحب أوي".

دينا الشربيني: "مشاكل الزواج بتحصل لما بنشوف بعض على حقيقتنا"

تامر أمين: "عمرو دياب جزء كبير من شهرة دينا الشربيني.. وكسبت كتير من وراه"