حسام داغر لميمي جمال بعد قرار اعتزالها: "متزعليش من ناس في الوسط ميعرفوش قيمتك"

وجه الفنان حسام داغر رسالة مؤثرة  للفنانة الكبيرة ميمي جمال، بعد قرار اعتزالها التمثيل نهائيًا بعدما قدمت العديد من الأعمال الفنية منذ أن كان عمرها حوالي 9 سنوات.  

ونشر حسام داغر، صورة تجمعه مع الفنانة ميمي جمال، عبر حسابه الشخصي بموقع تبادل الصور والفيديوهات القصيرة "انستجرام"، وعلق عليها قائلًا:"بقى معقول القمر دي يعتزل، إزاي يا ميمي يا أجمل ست في الدنيا.. ده أوحش خبر سمعته.. ده انتي اللي فاضلالنا من زمن كان جميل.. انتي وعم حسن الله يرحمه ..كنت أشوفك بس اتبسط".

وأضاف داغرقائلاً: "انتي بس أكيد بتشوفي غلاوتك عندنا وإننا منستغناش عنك.. طب أنا هتحايل عليكي شويه.. حاسس بيكي وانتي إلى عندك لسه كتير يا كتلة الحنان والطيبة.. متزعليش من ناس في الوسط ميعرفوش قيمتك.. وانتي اللي يعرفك كويس مش بس يحبك".

واختتم: "ده يموت فيكي جايه تسيبينا بعد ما الجميلات راحوا.. هيتبقالنا مين..  كده الجمال في الشغلانة هيقل يا ميمي يا جمال يا ملكة الجمال قولولها ارجعي ومتسيبيناش".

الفنانة ميمي جمال تكشف كواليس اعتزالها.. وتوضح حقيقة معاناتها من الوحدة

حسام داغر يكشف أعماله الفنية الأخيرة:" اللي جاي كوميدي"