القرموطي بعد دخوله عالم "الراب": "مفيهوش تجاوز ولا جبت راقصات.. وكلفني 10 آلاف جنيه"
علق الإعلامي جابر القرموطي، على الجدل المثار حوله بعد إطلاقه أغنية جديدة على طريقة "الراب"، بعنوان "ست فوق الأربعين"، على موقع "يوتيوب"، مما عرضه للانتقادات اللاذعة من الجمهور.
وقال القرموطي في تصريح خاص لـ"القاهرة 24"، : "مبجريش وراء التريند، أنا بناقش قضايا مهمة في المجتمع بطريقة خارج الصندوق، زي ما كنت بقدم في برنامجي "مانشيت" والناس وقتها كانت بتتريق على اللي بقدمه، ودلوقت بيشوفوني في الشارع يقولولي فين أيام البرنامج ومواضيعك الحلوة".
وتابع: "الأغنية لا فيها تجاوز ولا ألفاظ خارجة ولا جبت راقصات.. عشان يكلموني 7 محاميين عايزين يقاضوني، وواحد منهم يقولي ليه بتناقش قضايا المرأة وتترك الرجل؟!، أنا ماليش في البهرجة أنا شبعت تريندات.. وأنا لا حمو بيكا ولا عمرو دياب.. الأغنية اتشافت عشان جابر القرموطي هو اللي مقدمها.. واخترت ألبس كده عشان نفس ملابس بتوع الراب وأقدر أخاطب الناس.. ده حتى الكليب مكلف 10 أو 20 ألف جنيه".
واختتم الإعلامي المعروف حديثه مع "القاهرة 24"، مؤكدًا أنه لا يقدم في الفترة الحالية أي برامج تليفزيونية، ويستعد حاليًا لطرح قضية جديدة الفترة المقبلة، على نفس طريقة "ست فوق الأربعين" ويستمر على هذا المنوال.
في الطريق نحو الترند.. الإعلامي جابر القرموطي يدخل عالم غناء الراب (فيديو)
