عمرو أديب: "الأم مخلوق غير طبيعي ويا ويله اللي ميرضهاش"

تحدث الإعلامي عمرو أديب عن والدته الراحلة، وعبر عن اشتياقه لها وتمنيه بتواجدها على الحياة مرة أخرى، وذلك تزامنا مع احتفالات عيد الأم.

وكشف عمرو أديب، خلال برنامجه "الحكاية"، والذي يعرض على شاشة "MBC مصر"، أحد المواقف التي لن ينساها لوالدته، وقال: "أنا ماعملتش حاجة في حياتي، ولم أضع شيء عظيم غير رضا أمي، لما تسألني النهاردة عايز إيه يا عمرو؟ عايز أمي ترجع وأرضيها تاني، 10 دقايق بس، يعني هي كانت بتحب أكل معين أأكله لها في بقها، روح دلوقت، اللي عنده أم، روح خد رجليها وأقعد بوس فيها، نفسك تأكلي إيه يا أمّه، تحبي تشربي إيه، عايزة أوديكي فين".

وتابع: "فاكر حادثة عمري ما هنساها، كان في مطار أورلي في باريس، وأنا واخد أمي على عجلة وكانت رايحة المستشفى، كانت هي موجوعة، والمفروض في حد كان يستنانا عند باب الطيارة، كل الحكاية إن الراجل الفرنساوي هناك حطها على العجلة دي ومشي".

عمرو أديب ينعى نوال السعداوي: "محدش نَصَف الست دي ولا حد كان بيستحمل جرأتها"

وتابع: "عمري ما حأنسى الموقف ده، كنت بأجري بيها. طبعا الناس على العجل ما ينفعش يطلعوا على السير. أنا كنت بأطلع وأنزل على السير، وكان أمي في أي لحظة ممكن تقع، وكل الّي في دماغي إعمل لأمك كل حاجة وأي حاجة، وحقيقي الأم دي مخلوق غير طبيعي، ويا ويله اللي ميرضيهاش".