نيللي: "ضيعت نص عمري بتخيل.. وأخذت قرارات غلط في حياتي"
حلت نجمة الفوازير والاستعراضات نيللي ضيفة في برنامج مساء DMC، الذي يقدمه الإعلامي رامي رضوان، وتحدثت خلال لقائها عن العديد من جوانب شخصيتها وأعمالها وحياتها.
وقالت نيللي خلال لقائها: "أنا من النوع اللي على طول متفائل، يعني عندي رضا وتفاؤل إلى أقصى درجة، ولكن ضيعت نص عمري في الخيال، أنا خيالية أوي، وممكن أشوف أي حاجة بتمناها في الخيال، بغمض عيني وأشوفها".
وأضافت: "ودي حاجة حلوة، إنه ممكن تشوف اللي عايزه في خيالك، بس ده كان بيخليني أخد قرارات غلط في حياتي، وأكيد ندمت عليها، كمان أنا إنسانة عاطفية بحب الكلام الحلو، وبتأثر به، بس لازم يكون بصدق مش مجرد كلام، والإنسان الحساس بيقدر يعرف الصدق من عدم الصدق".
فوازير نيللي
ومن أبرز الفوازير التي قدمتها نيللي هي: “أم العريف، وعروستي، والخاطبة، وعجايب صندوق الدنيا"، وفي عام 1996 قدّمت آخر أعمالها، وهي فوازير ”زي النهاردة"، كما أنها شاركت فى العديد من الأفلام ومنها: “هي والرجال، والمراهقة الصغيرة، وتوبة، ودلع بنات”، ومن أشهر مسلسلاتها: “برديس، والدوامة”.
