في رمضان.. سايس يقتل كلبة بعد وصلة تعذيب بسبب شربها من جردل الجراج (صور)
في واقعة جديدة صادمة تكشف كم القسوة والقلوب المتحجرة، والاستهتار بأرواح الحيوانات سايس يقتل كلبة، حيث أقدم "سايس" جراج علي قتل كلبة بعد وصلة تعذيب بدون رحمة بسبب دخولها الجراج لتناول الماء من جردل رغم وجود 5 صغار رضع دون مراعاة لحرمة شهر رمضان الفضيل.
الصور تم تداولها تكشف صور سايس يقتل كلبة بعدما قام بقتلها عندما تسللت إلى الجراج لشرب الماء نتيجة ارتفاع درجة الحرارة التى شهدتها حالة الطقس خلال اليومين الماضيين.
سايس يقتل كلبة داخل جراج
الواقعة أثارت استياء مستخدمو السوشيال ميديا، خاصة وأنها لم تكن الواقعة الأولى للعنف ضد الحيوانات، وقالت ناشرة الصورة:"هذا بلاغ عن شيطان يعيش بيننا لازم يتعاقب "كلبة" أم اتقتلت ودموعها علي الأرض من الألم والتهمة كانت عطشانة في منطقة المريوطية، موضحة أن الكلبة انجبت منذ عدة أيام وبعد ما خلفت أخذت أولادها جنب سور جراج عشان تستخبى من حرارة الشمس هي وأولادها".
وتابعت:" الأيام اللي فاتت كانت حر جدا وهي طول النهار بتلف وتدور علي أكل عشان تأكل وترجع تأكل أولادها فكانت لما ترجع بتكون عطشانة ولسوء الحظ في جردل مياه جوه الجراج عشان بيمسحوا بيه العربيات فهي كانت تلف وترجع تدخل تشرب بس كده يعني كل اللي عاوزاه شويه مياه يقوم "سايس" الجراج يعمل أيه عشان البيه مش عاجبه أنها بتدخل تشرب أو تستخبي من الشمس ساعات راح استناها النهاردة بعد الفجر وهي داخله تشرب تاني يروح بحديدة كبيرة جدا يضربها علي رأسها يصيبها بفقدان الوعي من آول خبطة".
وأضافت:" مش كده بس ده ربط رجليها بعدها بعد ما وقعت وفضل يضرب فيها لغايه ما ماتت وفارقت الحياة وهي دموعها علي الأرض من حاجتين أولهم الألم وثانيهم حزنها علي أولادها اللي مش عارفه تقوم تروحلهم اللي عمله ده دليل علي ميوله الإجرامية اللي يعمل كده في روح مقربتش منه وكل اللي عملته أنها بتشرب وهو مش عاجبه راح قتلها لازم الأشكال دي تتعاقب لأن حقيقي وجودهم بلا عقاب بيهدد ناس كتير وبنشوف جرائم بعد كده من نفس الناس دي بشكل شيطاني وبنرجع نستغرب برغم أننا اللي سايبنهم بلا عقاب".
ونشر رواد التواصل عنوان الجراج مريوطية فيصل طريق فلفلة شارع لاشين بعد معرض أبو كامل للسيارات، والمعتدي يدعى محمد اللمبي.
