"كنت طمعانة في الغويشتين".. ننشر أقوال المتهمة بقتل مدربة الجيم في العمرانية (مستندات)
في القضية رقم 13648 لسنة 2020 جنايات قسم شرطة العمرانية التي دارت فصولها في منطقة العمرانية بالجيزة، بطلتها سيدة لم يتخطَ عمرها الثلاثين عامًا، مدربة جيم، حيث لم تتخيل أنها ستدفع حياتها ثمنًا لمعروفها، بعدما تعاملت بحسن نية مع صديقتها، لترد الجميل بقتلها، لتبدأ بعدها سلسلة من الأحداث تكشفت عنها العديد من المفاجآت.
وجاء أقول المتهمة في التحقيقات كالتالي:
س: ما اسمك؟
ج: اسمي "سميحه.م.أ" 43 سنة ربة منزل
س: من قاتل المجني عليها أسماء شعبان أحمد حسن؟
ج: أنا اللي خنقتها بإيشارب أسود كانت لابساه وعقدته حوالين رقبتها بس سبتها في بيتها وكانت لسه عایشة وفيها الروح.
س: ولما قمتي بذلك؟
ج: كنت طمعانة في الغويشتين اللى كانت في إيديها علشان مزنوقه وعليا فلوس وأنا مكنتش حسبها ولا مخططة لها هو الموضوع كله حصل مرة واحدة غصب عني.
س: وما حالتك الاجتماعية؟
ج: أنا كنت أرملة وجوزي کرم عبد المنعم ضاحي، كان جزار ومتوفي من نحو تلات سنين ونصف واتجوزت من بعده حمام محمد يوسف، من نحو سنه و8 شهور وعلي ذمته له لحد دلوقتي بس هوا مش عايش معايا في الطالبية وانا بروحله في ابو كبير في الشرقية علشان ما ينفعش اجيب لعيالي جوز ام علشان مجرحش مشاعرهم وكمان عندي بنتي كبيره واخاف عليها منه.
س: ما حالتك المادية؟
ج: حالتي المادية ميسورة بس مش أوي لأن جوزي الله يرحمه كان ساییلي ديون 110 الف جنيه، وبدفع منهم علي كل شهر نحو 2500 جنيه فالشهر، وأنا بیدخلي نحو 5700 جنيه فالشهر من معاش أبويا وجوزي الله يرحمهم، وبين ايجار محل آنا ماجراه وفي ناس شغاله فيه بتوع اكل، وبين فلوس شغل ابني اسامه في محل الجزارة، بتاع أبوه واخوانه وهما بيدوله اجر، وملناش حصه من بيع المحل، وبيتبقى بعد الديون نحو 4000 جنيه بصرفهم منهم علي نفسي وعلي عيالي وعلي البيت.
س: من أبناؤك؟
ج: ولاء الكبيرة عندها 23 سنة، وبعدها أسامه وعنده 21 سنه، وبعده عبد المنعم وعنده 19 سنة، وبعده حبيبه وعندها 14 سنة، وآخر واحد محمد وعنده 7 سنين ونصف، واسامه ومنعم هما اللي بیشتغلوا، وولاء اتجوزت ومعاها بنت وولد وباقي العيال قاعدين معايا.
س: هل لك ثمة مدخرات أو أملاك؟
ج: أنا مليش أملاك غير محل واحداه ايجار وبأجره لناس تانيه فاحييه مطعم، والشقة اللي انا قاعدة فيها ملك بس باسم کرم جوزي الله يرحمه، واللي باقي عندي كله ديون.
س: ما علاقتك بالمجني عليها أسماء شعبان أحمد حسن؟
ج: أنا عرفت أسماء من نحو سنتين لما كانت هي شغاله في مركز للعلاج الطبيعي تقربيا اسمه البتول وهي كانت تعمل علاج طبيعي وانا كنت بروح علشان عندي انزلاق غضروفي في الفقرة الرابعة والخامسة وكنت يعمل علاج طبيعي هناك ومن ساعتها وانا اعرفها وبنكلم بعض من وقت للتاني وبسأل عليها لما هي سابت المركز وقالتلي أنا هتجوز، والكلام ده كان قبل جوازها بشهر ونص تقريبي وهيا بقالها نحو 8 شهور متجوزة وجوزها اسمه احمد وانا من وقت للتاني كنت بسأل عليها وبنتكلم وهيا كانت بتجيلي البيت من وقت للتاني نقعد مع بعض ومكناش بنتقابل بره خالص.
س: ما معلوماتك عن الحالة الاجتماعية للمجني عليها؟
هي مكنتش متجوزه قبل كده واتجوزت واحد اسمه احمد، من نحو 8 شهور ومكنتش خلفت منه لسه وهي قالتلي انا معندهاش الهرمون بتاع الحمل وانا مكانش بيجيلها الدورة الشهرية حتي من قبل ما تتجوز، وكانت بتابع مع دكاترة نسا علشان تشوف ايه المشكلة.
