منة فضالي تظهر بالحجاب خلال زيارتها لتركيا (صور)
سافرت الفنانة منة فضالي إلى تركيا لقضاء إجازتها الصيفية هناك، ونشرت صورًا من أمام أحد المساجد، عبر حسابها الخاص بموقع تبادل الصور والفيديوهات “انستجرام”.
وظهرت منة فضالي في الصور التي نشرتها وهي تضع غضاء الرأس على شعرها، وعلقت: "مسجد السليمانية"، وانهالت التعليقات من نجوم الفن والجمهور على الصور التي نشرتها.
سبق وأن علقت الفنانة منة فضالي على واقعة التنمر والعنصرية على المايوه الشرعي، عقب الأزمة الأخيرة التي واجهتها دينا ابنة الدكتورة هبة قطب، بمنعها من دخول أحد حمامات السباحة بالمايوه الشرعي التي تتم في بعض الأماكن السياحية التي ترفض ارتداء المرأة للمايوه الشرعي أو المايوه البوركيني.
وكتبت فضالي عبر حسابها بموقع "فيس بوك": "مش فاهمة إيه العيب أن واحدة محجبة تنزل بمايوه شرعي ايه اللي يزعل في كده وعلشان إيه ممنوع؟..هو لازم يعني العالم كله يلبس بيكيني إن شاء الله إيه الهبل ده؟".
وتابعت: "ربنا يدينا الهداية ويتوب علينا كلنا والله...ليه القرارات النيلة دي عالم متخلفة وتافهة.. هتتقولوا لي ما إنتي بتلبسي مايوه وبتتصوري والهري ده هقول أنا حرة زي أي حد حر، ما دام في حالي زي ما كلكم زمان أهاليكم كانوا بيلبسو كده وأكثر... بس للأسف احنا عندنا دلوقتي عدم احترام".
واستطردت: "مش معني كده اني صح واني بشجع علي المايوه بس ها يجي يوم ومش هعرف البس حاجة من اللي قادرة البسها دلوقتي كل سن ولي احترامه ولبسه.. احترموا حريه الناس وافتكروا أن ربنا اللي بيحاسب مش البشر.. وأنا مع الست اللي تلبس مايوه شرعي وضد التخلف بتاع الممنوع".
يذكر أن منة فضالي شاركت مؤخرًا في مسلسل "نسل الأغراب" من تأليف وإخراج محمد سامي، إنتاج سينرجي، بطولة أحمد السقا، أمير كرارة، مي عمر، فردوس عبد الحميد، أحلام الجريتلي، إدوارد، دياب، محمد مهران، أحمد مالك، أحمد داش، ملك زاهر وريم سامي.
