منى زكي تكشف مواقف إنسانية جمعتها بالكاتب وحيد حامد
كشفت الفنانة منى زكي عن الكثير من المواقف الإنسانية التي جمعتها مع الكاتب الراحل وحيد حامد، خلال مشوارها الفني، والكثير من الدعم، والمساعدات الذي قدمها لها أثناء تصوير أعمالها.
فيلم اضحك الصورة تطلع حلوة
وقالت الفنانة منى زكي خلال لقائها في برنامج صاحبة السعادة مع إسعاد يونس: “أول مرة قابلت فيها الأستاذ وحيد حامد كان في مسلسل بـ عنوان أهالينا، مع الفنانة صابرين، وبعد كده اتقابلنا تاني، وعرض عليا سيناريو فيلم اضحك الصورة تطلع حلوة للفنان أحمد ذكي، وافقت علطول، وبعد أسبوع عملت حادثة، وفضلت قاعدة في البيت 8 شهور، قلت خلاص زمانهم جابوا حد تاني للفيلم".
وأضافت منى زكي: “أتفاجئت بعد 8 شهور، أستاذ وحيد بيكلمني في التليفون، وقال لي هنعمل الفيلم أمتى بقى، كان قلبي بيرفرف وقتها مصدقتش، وفعلًا كان ربنا بيحبني، وحبيت الفن بـ الطريقة دي”.
فيلم دم الغزال
وكشفت الفنانة منى زكي عن موقف إنساني جمعها مع الكاتب وحيد أثناء تصوير فيلم دم الغزال قائلة: “أثناء تصوير الفيلم، أشخاص غالين عليا من أسرتي في أمريكا تعبوا، روحت لأستاذ وحيد وقلت له أنا لازم أمشي.. قال لي أى المشكلة.. رديت عليه أنا احتمال افضل اسبوعين هناك، قالي حاجة عمري ما هنساها وهى هستناكي أنا استنيتك قبل كده فاكرة”.
فيلم احكي يا شهرزاد
وقالت الفنانة منى زكي ناس كتير انتقدت فيلم احكي يا شهرزاد بعد عرضه على التليفزيون، وكان لازم اعمل دور مذيعة في الفيلم، كنت خايفة جدًا اعمله، وقلت للأستاذ وحيد حامد، أرجوك بلاش مش هعرف أدافع عن نفسي، رد عليا وقال لي أنتِ مش بتشوفي نفسك بتتكلمي إزاى في البرامج، أنت هتعرفي تقولي الصح.. ومن بعدها الكلمة دي فرقت معايا جدًا".
