سارة عبد الرحمن عن دلال عبد العزيز: لا أستوعب رحيلك وما زلت أسمع صوتك
قالت الفنانة سارة عبد الرحمن، إنها حزينة لوفاة الفنانة الكبيرة دلال عبد العزيز، حيث تكتب عنها للمرة الأولى بعد وفاتها بفترة قاربت الشهر، موضحةً أنها لم تصدق رحيلها من الصدمة.
كتبت سارة في منشور عبر حسابها الرسمي بموقع الصور والفيديوهات انستجرام، قالت فيه: يمكن لو كتبت استوعب؟.. ماعرفش بس إما بفكر أكتب بحس إن مفيش كلام يكفي.
تابعت: عشان أكون صريحة.. في البداية ماكانش حب من أول نظرة خالص.. أخدنا شوية وقت وكام موقف كدة عشان نحب بعض وشوية وقت كمان عشان نكون أصحاب.
استكملت سارة عبد الرحمن: بس بعديها عرفت يعني إيه صداقة، ويعني إيه ظهر، ويعني إيه لذاذة وضحك، ويعني إيه بركة، ويعني إيه تواضع، ويعني إيه طيبة نقية كدة من غير أي حاجة.
أضافت الفنانة: كل ده كوم والحاجات اللي اتعلمتها في الشغل اللي هاتفضل حلقة في ودني كوم تاني.. بكتب وبرضو مش قادرة لسه أصدق وعمالة أسمعك وإنتي بتقوليلي يا نصابة.
اختتمت سارة عبد الرحمن منشورها، قائلةً: ديدي، أنا أحمد ربنا أني عرفت ملاك زيك وعمري ما هانساكي أبدًا.. عشان أنتي ماتتنسيش.. وحشتيني أكثر ما أنتِ كنتِ أصلًا وحشاني.. بحبك.
سارة عبد الرحمن ودلال عبد العزيز
رافقت سارة عبد الرحمن منشورها بصورة جمعتها بالفنانة دلال عبد العزيز من كواليس مسلسل سابع جار، الذي شاركت فيه سارة الرحمن الفنانة دلال عبد العزيز، وعُرض على مدار موسمين، وحقق نجاحًا كبيرًا.
