كلبته هربت منه في الساحل.. الدكتور معتز يكشف كواليس واقعة السجود للكلب | نص التحقيقات
كشفت التحقيقات واقعة السجود للكلب المتهم فيها الدكتور عمرو خيري، رئيس قسم العظام بجامعة عين شمس، وطبيب آخر بمستشفى النزهة الدولي وموظف، تفاصيل إهانة الممرض عادل سالم والتنمر عليه والسخرية منه.
بينت التحقيقات تفاصيل ما تعرض له عادل سالم، الممرض المجني عليه في واقعة السجود للكلب، التي هزت الرأي العام خاصة بعد انتشار مقطع فيديو مدته 4 دقائق كشف تفاصيل الواقعة، قائلًا إن من ظهروا في الفيديو هم عمرو رفعت سكرتير العيادة، والدكتور معتز مسعد، والدكتور عمرو خيري، المتهمون في القضية.
نص التحقيقات في واقعة السجود للكلب
وإلى نص أقوال الدكتور معتز في واقعة السجود للكلب:
س: ما قولك فيما نسب إليك من اتهامات تلوناها عليك شفاهًا؟
ج: الكلام ده كله محصلش
س: ما تفصيلات ما حدث إذًا؟
ج: اللي حصل إن أنا بشتغل أخصائي جراحة عامة بمستشفى المطرية التعليمي، وبشتغل في مستشفى تانية خاصة اسمها النزهة الدولي، وبيشتغل معايا في المستشفى دي دكتور تاني اسمه عمرو خيري - استشاري العظام بمستشفى النزهة وأخصائي العظام بمستشفى عين شمس التخصصي والمستشفى دي بيشتغل فيها سكرتير عيادة العظام اسمه عمرو رفعت، وفيه ممرض في المستشفي اسمه عادل سالم، ومن نحو شهرين تلاتة الدكتور عمرو خيري - قال إن هو هيسافر الساحل يوم الخميس، ولما أنا روحت الشغل يوم السبت اللي بعديه عرفت أن الدكتور عمرو خيري - موجود في المستشفى فسألت الممرض اللي اسمه عادل سالم: هو الدكتور عمرو جه ليه مش المفروض إنه يكون في الساحل؟ فقالي إن الكلبة بتاعت الدكتور عمرو، هربت منه من الساحل الشمالي وراحت على بيته في العبور، والأستاذ عادل قبل كدة كان بيتريق على سعر الكلب بتاع الدكتور عمرو، عشان كانت غالية ومش فاكر تمنها أد إيه بالضبط، فأنا حكيت للدكتور عمرو، على أن عادل سالم بيقول إن الكلب بتاعه هرب من الساحل وراح العبور فالدكتور عمرو، بعث لـ عادل سالم، يجيلوا على المكتب وقعدنا نهزر مع عادل أنا والدكتور عمرو خيري والسكرتير عمرو رفعت، وخليناه ينط الحبل والدكتور عمرو قعد يهوشه بعصايا خشب، وقعد يقوله اسجد للكلب بتاعي وصلي له، والدكتور عمرو كان بيصور الموضوع ده بالموبايل بتاعه وهو ده كل اللي حصل.
س: متى وأين جرى ذلك تحديدًا؟
ج: الكلام ده حصل من نحو ثلاثة أو أربعة أشهر تقريبًا وأنا مش متذكر من إمتى بالضبط، وكان في مستشفي النزهة الدولي الكائنة في 5 شارع رشيدي - مساكن شيراتون - النزهة.
س: ما هي طبيعة عملك تحديدًا؟
ج: أنا أخصائي جراحة عامة بمستشفي المطرية التعليمي، وفي غير مواعيد العمل الرسمية بشتغل في مستشفي خاصة اسمها النزهة الدولي أخصائي جراحة عامة صباحًا حتى الساعة 8 مساء.
س: منذ متى وأنت تباشر ذلك العمل؟
ج أنا بشتغل في مستشفى المطرية منذ عام 2009.
س: وما هي مواعيد عملك تحديدًا؟
ج: أنا بروح مستشفى المطرية من الأحد إلى الأربعاء من الساعة 8 صباحًا حتى الساعة 3 مساء، غير النوبتجيات، وفي مستشفى النزهة الدولي بروح أيام الخميس والسبت من الساعة 8.
س: منذ متى وأنت تباشر ذلك العمل؟
ج: أنا بشتغل في مستشفي المطرية منذ عام 2006 وبشتغل في مستشفى النزهة الدولي من 2009.
س: وما هو تخصصك تحديدًا؟
ج: جراحة عامة.
س: وما هي اختصاصاتك الوظيفية التي تباشرها من خلال موقعك الوظيفي بمستشفى النزهة الدولي؟
ج: الكشف على المرضى اللي محتاجين تخصص جراحة، وماسك مدير الطوارئ، وبكون مسئول عن تنظيم جداول التخصصات المختلفة بالطوارئ للأطباء.
س: وما هي طبيعة علاقتك بالطبيب عمرو خيري؟
ج: هي علاقة عمل لأنه أستاذي بالعمل بمستشفى النزهة الدولي.
س: ومنذ متى وتلك العلاقة قائمة؟
ج منذ عام 2013 تقريبا.
س: أمن ثمة خلافات بينكما؟
ج: لا ـ مفيش أي خلافات ما بينا.
س: وما هي طبيعة عمل الطبيب عمرو خيري بمستشفى النزهة الدولي؟
ج: هو استشاري جراحة العظام بمستشفى النزهة الدولي ورئيس قسم العظام بكلية الطب جامعة عين شمس.
س: وما هي طبيعة علاقتك بالسكرتير عمرو رفعت؟
ج: هي علاقة عمل لأنه سكرتير بمستشفى النزهة الدولي اللي بشتغل فيها.
س: ومنذ متى وتلك العلاقة قائمة؟
ج. منذ عام 2013 تقريبًا.
س: أمن ثمة خلافات بينكما؟
ج:لا - مفيش أي خلافات ما بينا.
س: وما هي طبيعة عمل السكرتير عمرو رفعت بمستشفي النزهة الدولي؟
ج: هو سكرتير عيادة العظام ومسئول عن دخول الحالات المرضية للطبيب المعالج وتوجيه الحالات للإشاعات والجبس.
س: وما هي طبيعة علاقتك بالشاكي عادل سالم؟
ج: هي علاقة عمل لأنه ممرض بمستشفى النزهة الدولي اللي أنا بشتغل فيها.
س: ومنذ متى وتلك العلاقة قائمة؟
ج: منذ عام 2009.
س: امن ثمة خلافات بينكما؟
ج: لا ـ مفيش خلافات ما بينا.
س:وما هي طبيعة عمل الشاكي عادل سالم بمستشفي النزهة الدولي ؟
ج:هو ممرض في المستشفي بيساعد الطبيب المعالج في تجبيس المرضى وتعليق المحاليل وبيديهم حقن
س:وما هي طبيعة العلاقة بين المدعو عادل سالم والطبيب عمرو خيري بصفة عامة وفقًا لما يتلاحظ لك ؟
ج: هي علاقة عمل بس هما واخدين على بعض ودايما بيهزروا مع بعض.
س:وما هي طبيعة العلاقة بين الشاكي عادل سالم والسكرتير عمرو رفعت بصفة عامة وفقا لما يتلاحظ لك ؟
ج:هي علاقة عمل ودايما بشوفهم بيتكلموا مع بعض في الشغل بس معرفش طبيعة العلاقة نهم عملة أزاي بالضبط
س: وما هو مضمون الحوار الذي دار بينكما آنذاك ؟
ج: هو قالي " الدكتور عمرو جه من الساحل " فأنا استغربت أن الدكتور عمرو موجود لأن اليوم دة كان يوم سبت وهو كان مسافر الخميس اللي قبله فسألت عادل هو أيه اللي جابه النهاردة، قالي " أصل الكلبه بتاعته هربت من الساحل الشمالي لحد بيت الدكتور في العبور " ومش فاكر أذا كنت أتكلمت معاه في حاجة ثاني ولا لا.
س:جاء بأقوالك سلفًا أن المدعو عادل سالم كان يتذمر من ثمن الكلب الخاص بالطبيب عمرو خيري..، فما هي تفاصيل تلك الواقعة ؟
ج: هو الموضوع دة كان قبل الواقعة بكام يوم واللي حصل أن عادل كان بيحكيلي أن الدكتور عمرو كان زعلان عشان الكلب بتاعه مات وبيقولي أنه جاب كلب بداله بـ 20000جنيه
س: وما هي ظروف تقابلك مع الشاكي عادل سالم للوهلة الأولى بتاريخ الواقعة ؟
ج: اللي حصل أني كنت متواجد في المستشفي بغرفة الأطباء ولقيت عادل سالم لسه واصل المستشفي ووقفت اتكلمت معاه وحسيت من أسلوبه أنه مستكتر الفلوس على حاجة زي كدة..
س: وما التصرف الذي بدر منك عقب أن أخبرك المدعو عادل سالم بأن الكلب الخاص بالطبيب عمرو خيري فر من الساحل الشمالي إلى العبور ؟
ج: أنا روحت للدكتور عمرو وحكيت له
س: متى قصصت عليه تلك الواقعة ؟
ج: في نفس اليوم.
س:وما هو مضمون الحوار الذي دار بينكما آنذاك ؟
ج: أنا روحت للدكتور عمرو وقولت له " هو أنت الكلب الجديد بتاعك فعلا هرب " قالي " مين اللي قالك كدة " قولت له " عادل سالم " فضرب الجرس وقال " أندهولي عادل " ولما عادل جه المكتب قاعدنا نهزر معاه
س: بأي المواقع تحديدًا من مستشفي النزهة الدولي حدثت تلك الواقعة ؟
ج: الكلام دة حصل في عيادة العظام في الدور الأرضي - قسم العيادات
س: ومن الذي كان متواجدًا على مسرح الواقعة آنذاك ؟
ج: أنا والدكتور عمرو خيري، والسكرتير عمرو رفعت، وبعد كدة عادل سالم جه لماالدكتور عمرو بعت له
س: وما هو سبب اجتماعكم بالمكان والزمان أنفي البيان ؟
ج:هو الدكتور عمرو خيري، كان موجود أصلا في العيادة ومعاه السكرتير عمرو رفعت وأنا روحت لهم العيادة عشان أشوف الدكتور عمرو رجع من الساحل بدري ليه وكان معايا اقتراح تنظيم التمريض على العيادات كنت عايز أعرضه عليه ولما عرف أن عادل قال أن الكلب بتاعه هرب، رن الجرس وباعت له وجالنا على العيادة.
س: أمن ثمة أتفاق دار بينك والطبيب عمرو خيري، والسكرتير عمرو رفعت قبل ضور المدعو عادل سالم إلى مكان تواجدكم آنذاك ؟
ج:أحنا متفقناش على أي حاجة هو الدكتور عمرو بس رن الجرس وقال أبعتولي عادل
س:ما هي الأفعال التي بدرت منكم تجاه المدعو عادل سالم، فور وصوله إلى مكان تواجدكم آنذاك ؟
ج: أنا والدكتور عمرو خيري والسكرتير عمرو رفعت قاعدنا نهزر معاه.
س:وما هي المدة الزمنية التي مكثتم بها متواجدين بمسرح الواقعة آنذاك ؟
ج: أقل من عشر دقائق تقريبًا.
س: قص علينا تفصيلًا ما الذي حدث في خلال تلك الفترة ؟
ج: هو الدكتور: عمرو قعد يقوله أنت بتتريق عليا والكلب بتاعي وبعد كدة الدكتور: عمرو إداني سلك كهرباء قالي أمسك طرفه وأدى الطرف الثاني للسكرتير: عمرو رفعت وقالي خلوه ينط الحبل وقاعدنا ننطته الحبل وبعدين الدكتور: عمرو طلع موبايله وقعد يصور وبعد كدة قعد يهوشه بعصايا خشب وبعدين قعد يقوله الكلب بتاعي تحيه تحيه عسكرية وقعد يقوله أسجد للكلب وبعدين لقيت الدكتور عمرو بيقول يلا نكهربه وكان بيهزر فا أنا السكرتير قولنا له خلاص يا بيه وخدنا عادل وطلعناه بره العيادة وهو دة كل اللي حصل.
س:وما هي حالة باب العيادة من حيث الغلق آنذاك ؟
ج:هو الباب كان مقفول عادي بس مش مقفول بمفتاح
س:ومن الذي أغلق باب العيادة آنذاك ؟
ج: هو عادل لما دخل العيادة قفل وراه الباب وأنا مش فاكر هو قفله من نفسه ولا الدكتور عمرو اللي قال له يقفله
س: وما هو مضمون الحوار الذي دار بين الطبيب عمرو خيري والمدعو عادل سالم ؟
ج: هو أول لما عادل جه العيادة قعد يقوله هو أنت بتتريق عليا وعلى الكلب بتاعي وبتقول للدكتور معتز أن الكلب هرب من الساحل وعادل قاله أنا أتبسط أن الكلب بتاعك راح يصيف وهاته خليه يتفسح عندنا في القلج والدكتور عمرو قعد يقوله الكلب دة أنت تحييه تحية
عسكرية وتسجد له وتصلي له
س: وأين كان الكلب الخاص بالطبيب عمرو خيري آنذاك ؟
ج: هو الكلب مكنش موجود في المستشفي هو كان بقول له كدة وخلاص.
س: وما هي الأدوات التي كانت بحوزتكم آنذاك ؟
ج: سلك كهرباء وعصايا خشب.
س: وما هي أوصاف تلك الأدوات تحديدًا ؟
ج:هو السلك كان سلك كهربائي لونه أبيض وكان نحو ٢ متر أو أكثر والعصايا الخشب كان لونها بني فاتح وطولها نحو نص متر تقريبًا
س: من اين تحصلتم على الأدوات أنفة البيان ؟
ج:هو الدكتور عمرو طلع السلك من جانبه من على الأرض والعصايا الخشب كانت فوق وحدة الأدراج اللي في العيادة
س: وما هي الأفعال التي تمت تجاه الشاكي عادل سالم باستخدام الأدوات أنفة البيان ؟
ج: هو الدكتور عمرو أداني أنا والسكرتير عمرو رفعت السلك وخلى كل واحد فينا يمسك طرف السلك وقال لنا خلي عادل ينط الحبل وقاعدنا نططته من فوق الحبل والعصايا الخشب كان الدكتور عمرو بيهوش عادل سالم بيها.
س: وما هو سبب استجابتك للطبيب عمرو خيري بشأن قيامك بجعل المدعو عادل سالم بالقفز من أعلى السلك الكهربائي ؟
ج:عشان كنا بنهزر عادي
س:وما الذي دعى المدعو عادل سالم للاستجابة إلى ما طلبتوه منه من أفعال ؟
ج: عشان كنا بنهزر عادي.
س: ومن الذي قام بتصوير الواقعة ؟
ج: الدكتور عمرو خيري هو اللي كان بيصور
س: أمن ثمة أخرين قاموا بتصوير الواقعة ؟
ج: هو الدكتور عمرو بس اللي كان بيصور.
س: وما هي الأداة التي استخدمها سالف الذكر في تصوير الواقعة ؟
ج:هو كان بيصور بالموبايل بتاعه وتقريبًا كان ماركته أيفون ومش فاكر لونه أيه
س:هل كان الشاكي عادل سالم ـ على علم بأن الطبيب عمرو خيري - كان يلتقط مقطع تصويري للواقعة ؟
ج: أيوة هو كان عارف..
س: وكيف وقفت على ذلك ؟
ج: لأن الدكتور عمرو كان حاطت الموبايل في وشه وهو بيصور وهو أكيد شايف أنه كان بيصور
س: وما هو الأثر الذي ترك بنفس المدعو عادل سالم من جراء أفعالكم تجاهه آنذاك ؟
ج: هو كان بيضحك عشان عارف أن أحنا بنهزر معاه ومكنش مضايق، بس هو أتضايق لما الفيديو انتشر على مواقع التواصل الاجتماعي.
س: ومن الذي كان مسيطرأ على مسرح الواقعة آنذاك ؟
ج: هو الدكتور عمرو خيري.
س: وما هي مظاهر ذلك ؟
ج: لأن هو اللي بعت يجيب عادل، وهو اللي مسكنا الحبل عشان نططته وهو اللي كان بيهوشه بالعصايا وهو اللي كان بيوجه له الكلام وهو اللي صور
س:هل كان بإمكان المدعو عادل سالم مغادرة مسرح الواقعة في توقيت حدوثها بغير رضانكم ؟
ج: لا لأن أحنا كان مقفول علينا العيادة وواقفين حواليه بس أحنا كنا بنهزر معاه مش منعينوا من الخروج بجد.
س:وما هو دور كلا منكما على حدا في تلك الواقعة تحديدًا ؟
ج: الدكتور عمرو هو اللي بعت جاب عادل وهو اللي سلمنا الحبل وهو اللي كان ماسك العصايا وكان بيهوشه بيها وهو اللي صور وأنا وعمرو رفعت السكرتير اللي كنا ماسكي أطراف الحبل عشان عادل ينط من فوقيها
س: وما هو قصدكم من الأفعال المتقدمة ؟
ج: أحنا كنا بنهز معاه ومش قصدنا أي حاجة
س:من الذي نشر المقطع التصويري الخاص بالواقعة على مواقع التواصل الاجتماعي ؟
ج:معرفش مين اللي نشره
س: من الذي كان بحوزته ذلك المقطع التصويري ؟
ج: هو الدكتور عمرو بس أنا سمعت من الأطباء زميلنا أن الحساب الخاص بالدكتور عمرو ـ على تطبيق الواتس أب أتسرق منه والكلام دة من نحو شهر.
س: وما هو سبب انتشار المقطع التصويري الخاص بالواقعة على مواقع التواصل الاجتماعي الأن على الرغم من أن الواقعة مر عليها بعض الأشهر كما أدليت لنا ؟
ج: معرفش.
س:ما قولك فيما أقر به المدعو عادل سالم بتحقيقات النيابة العامة من أن الأفعال التي تمت تجاهه من قبلكم كانت على سبيل العقاب والإذلال ؟
ج: أحنا كنا بنهزر معاه وأنا معرفش هو بيقول كدة ليه.
س:ما قولك فيما أقر به المدعو عادل سالم بتحقيقات النيابة العامة من أنه استجاب لطلباتكم خوفًا على عمله لأنكم رؤسانه بالعمل ؟
ج: الكلام دة مش مظبوط وأنا مليش سلطة عليه ومليش تقييم عليه.
س: ما قولك فيما أقر به المدعو عادل سالم بتحقيقات النيابة العامة من أن الطبيب عمرو خيري كان بحوزته عصا خشبيه عبارة عن " يد مكنسه " وأستحصل عليها من
وات النظافة ؟
ج: لا هي مكنتش عصاية مقشة هي كانت عصاية صغيرة.
س: ما قولك فيما أقر به المدعو عادل سالم بتحقيقات النيابة العامة من أن الطبيب عمرو خيري سبه قائلا " يا ابن الكلب " كما سب بلدته قائلا " الأوساخ " ؟
ج: أيوة هو الدكتور عمرو قال له كدة بس هو كان بيهزر معاه.
س: ما قولك فيما أقر به المدعو عادل سالم بتحقيقات النيابة العامة من أنه تضرر من نشر المقطع التصويري وسبب له أذى نفسي له ولأسرته ؟
ج: أنا فعلا أتصلت بـعادل بعد لما الفيديو أنتشر وهو قالي أنه مش متضايق من الهزار ولكنه متضايق من نشر الفيديو.
س:ما قولك فيما أقر به المدعو عادل سالم بتحقيقات النيابة العامة من أنه أتهمك والطبيب عمرو خيري والسكرتير عمرو رفعت بتصويره بغير رضانه وسبه ونشر مقطع الواقعة على مواقع التواصل الاجتماعي ؟
ج:أنا عن نفسي مشتمتوش وهو عارف أن هو بيتصور لأن الموبايل كان قدامه وهو شايفه وهو بيتصور ومش أحنا اللي نشرنا الفيديو
ملاحظة: حيث قمنا بفض حرز الذاكرة الالكترونية المرفقة بالتحقيقات عقب التأكد من صحة بياناته وسلامه أختامه وقمنا باستخدام الحاسب الآلي الخاص بلة العامة لتشغيل محتواها وعرضنا المقطع التصويري السابق تفريغه بمحضر المشاهدور على الماثل أمامنا
تمت الملاحظة
س: من الذي يظهر بالمقطع التصويري المعروض عليك ؟
ج:هو اللي لابس قميص أزرق وكمامة ومعلق على صدره كارنية وماسك طرف السلك يبقى عمرو رفعت - السكرتير، واللي بينط الحبل دة هو الممرض عادل سالم، وانا اللي لابس بلطو أبيض اللي ماسك طرف الحبل الثاني
س: ومن الذي كان يتحدث بالمقطع التصويري والممسك بآلة التصوير ؟
ج: دة يبقى الدكتور عمرو خيري.
س: أمن ثمة أخرين تواجدوا على مسرح الواقعة بخلاف الظاهرين بالمقطع التصويري ؟
ج: لا. كنا احنا بس والدكتور عمرو مكنش باين لأن هو اللي كان بيصور.
س:وهل المقطع التصويري المعروض عليك تم تحريفه أو تعديل محتواه بصوره أو باخری؟
ج: لا هو دة الفيديو اللي الدكتور عمرو صوره ومحصلش فيه أي تعديل أو تحريف.
س أمن ثمة إجراءات اتخذت تجاهك من الجهة الإدارية التابعة لمحل عملك بشأن الواقعة محل التحقيقات الراهنة ؟
ج: ايوة أنا تم إيقافي عن العمل بمستشفي النزهة وتم إيقافي عن العمل بمستشفي المطرية ومستشفي النزهة النهاردة عملوا معايا تحقيق إداري ومستشفي المطرية حولوني للتحقيق بالهيئة العامة للمستشفيات والمعاهد التعليمية
س: ومتى صدر قرار إيقافك تحديدًا ؟
ج:مستشفي المطرية ومستشفي النزهة وقفوني عن العمل أمبارح.
س:وما هي نتيجة التحقيقات الإدارية ؟
ج: لسه مفيش نتيجة وهما وقفوني عن العمل لحين انتهاء التحقيقات الإدارية
. ملاحظة: حيث طلبنا من الماثل أمامنا هاتفه النقال فأمتثل لنا وتبين لنا أنه هاتف نقال ماركة هاواوي أسود في فضي اللون وبفحصه لم يتبين لنا أنه لا يحوي على ثمة شئ قد يفيد التحقيقات.
التحقيقات تمت الملاحظة
س:ما هي أسماء الحسابات المستخدمة بمعرفتك على مواقع التواصل الاجتماعي ؟
ج: أنا عندي حساب على موقع " الفيسبوك " فقط وأسمه Motaz Elsayed وحاطت صورة بنتي وهي ضغيرة وراها خلفية رمله العدل.
س: أنت متهم بالتنمر وآخرين على المجني عليه عادل سالم بأن استغليت سلطتك عليه على كونه مساعد لك بالقسم الطبي محل عملك بان وجهلوا إليه عدة عبارات
وضعه موضع المنخرية وطلبتوا منه تادية حركات من شانها وضعه في موضع السخرية وقمتم بتصوير الواقعة باستخدام هاتف نقال ؟
ج: أنا متنمرتش عليه، أنا معملتش حاجة غير أني كنت ماسك الحبل، ولما لقيت الموضوع زاد عن حده حوشت الدكتور عمرو عنه.
س: أنت متهم باستعراض القوة والتلويح بالغنف والتهديد ضد المجني عليه عادل سالم بقصد ترويعه وتخويفه وإلحاق أذى مادي ومعنوي به وكان من شأن ذلك الفعل إلقاء الزعب في نفس المجني عليه وتكدير أمنه وسكينته ؟
ج: الكلام دة محصلش وأنا محولتش افرض أي سيطرة أو قوة عليه
س: أنت متهم باحتجاز المجني عليه عادل سالم دون أمر أحد الحكام المختصين بذلك وفي غير الأحوال التي تصرح فيها القوانين واللوائح بالاحتجاز ؟
ج: أنا محتجزتوش وهو كان موجود بمزاجه والدليل على كدة أنه كان بيضحك في الفيديو.
س: أنت متهم يسب المجني عليه عادل سالم بأن وجهت إليه عدة عبارات من شأنها خدش شرفه واعتباره وكذا الاعتداء على المبادئ والقيم الأسرية في المجتمع المصري وانتهاك حرمة الحياة الخاصة بأن نشرت المقطع التصويري الخاص بالواقعة على مواقع التواصل الاجتماعي وكان ذلك بغير رضاء المجني عليه عادل سالم ؟
ج: محصلش الدكتور عمرو هو اللي شتمه مش أنا.
س: أنت متهم بإنشاء حساب خاص على شبكة المعلومات الدولية بهدف ارتكاب جريمة؟
ج / محصلش
س: أنت متهم بالقيام بعمل كان من شأنه إحداث التميز بين طائفة من طوائف الناس بسبب الدين والعقيدة وترتب على هذا تكدير السلم العام ؟
ج: محصلش الدكتور عمرو هو اللي كان بيقول كلام ليه علاقة بالدين مش أنا.
س: أنت متهم بحيازة سلاح أبيض عصا خشبية في أماكن التجمعات دون مسوغا قانونيا ؟
ج: محصلش
س:هل لديك أقوال أخرى ؟
ج: لا. تمت أقوله وتوقع منه عقب أن ثليت عليه معبر وسيا ال الدين المهد السير مدير النيابة تأسيسا على إنتفاء مبررات احبس الاحتياطي لكون المتهم ! محل إقامة ثابت وومعلوم ولا
ملاحظة: والحاضرة مع الماثل أمامنا طلبت إخلاء سبيل ضمان قراه النيابة العامة
وأجلت المحكمة الاقتصادية، أمس السبت، أولى جلسات محاكمة الطبيب عمرو خيري، وآخرين في واقعة السجود للكلب، ويواجه المتهمون التنمر على الممرض عادل سالم، واستغلال الوظيفة وإجباره على السجود للكلب، لجلسة 25 سبتمبر الجاري للاطلاع.
كشفت التحقيقات في واقعة السجود للكلب، أن الطبيب عمرو خيري وآخرين، تنمر على الممرض عادل سالم بإحدى المستشفيات الخاصة، حيث ارتكب ممَّن لهم سلطة عليه بالقول، واستعراض القوة قِبَله وسيطرتهم عليه، واستغلالهم ضعفه؛ بقصد وضعه موضع السخرية والحطّ من شأنه في محيطه الاجتماعي، واستغلالهم الدين في الترويج لأفكارٍ متطرفة بقصد إثارة الفتنة وازدراء أحد الأديان السماوية، وتعديهم على المبادئ والقيم الأسرية في المجتمع المصري، ونشرهم عن طريق الشبكة المعلوماتية وبإحدى وسائل تقنية المعلومات، تصويرًا مرئيًّا ينتهك خصوصية الممرض المجني عليه دون رضاه، استخدامهم موقعًا وحسابًا، خاصًّا على الشبكة المعلوماتية بهدف ارتكاب تلك الجرائم.
