إلهام شاهين: معنديش مانع إن طالب بكلية طب يشرّح جثتي بعد وفاتي
أعلنت الفنانة إلهام شاهين رغبتها في التبرع بكل أعضاء جسمها عقب وفاتها، مشيرةً إلى أنها مستعدة لمساعدة أي شخص، وعمل أي شيء يفيد البشرية، حتى وإذا كان طالب من كلية طب يريد تشريح جثتها من أجل أن يتعلم.
وقالت إلهام شاهين خلال مكالمة هاتفية ببرنامج الحكاية مع الإعلامي عمرو أديب: أنا لما أموت عايزة اتبرع بكل أعضاء جسمي، وكنت بقول الكلام ده من زمان، والنهاردة أعلنته في مؤتمر.
وتابعت الفنانة إلهام شاهين مشيرة إلى أن الجسم يفقد أهميته بعد الوفاة:إيه أهمية جسمنا بعد ما نموت، الجزء اللي عندي وينفع حد أنا متبرعة بيه، أنا كدة بساعد إنسان يعيش حياة كريمة دة شئ رائع وجميل، وياريت يكون عندنا كلنا.
مداخلة إلهام شاهين مع عمرو أديب
وأضافت إلهام شاهين: كان عندنا بنك للقرنية زمان..إحنا لية بنستورد القرنية اللي بنستخدمها في مصر من الصين؟..أنا سمعت من رجال دين أنه مش حرام اتبرع.. يعني اللي القرنية بتاعته سليمة ليه ميتبرعش بيها، أنا بطالب الدولة أنها تقنن الموضوع، أن أول ما حد يموت ناخد القرنية على طول.
تبرع إلهام شاهين بأعضاء جسمها بعد وفاتها
واختتمت إلهام شاهين حديثها قائلة: أنا طالبة دة، وعايزة يكون في جهة مسؤولة في الدولة…في طلاب من كلية طب بيكونوا محتاجين جثث يشرحوها، معنديش مانع طالب من كلية طب يتعلم في جثتي، ماعنديش مانع في أي حاجة تفيد البشرية.
