أحمد موسى عن سقوط ميكروباص الساحل في النيل: عايزين حد يعرفنا الحكاية ده مش سر عسكري
علق الإعلامي أحمد موسى، على حادثة سقوط ميكروباص من أعلى كوبري الساحل في نهر النيل مساء أمس الأحد.
قال موسى، أثناء تقديم برنامج على مسئوليتي، المذاع عبر قناة صدى البلد: إيه الحكاية فين حق المعرفة، ده مش سر عسكري لازم نطلع نقول للناس بيان، حد يقول معلومة مفيش حد بيتكلم، حادثة زي كدة نفضل ساكتين.
وتابع: دا بيان يطلع يا جماعة 4 سطور، نوضح للناس منسيبش كل واجد يقول رقم ويقول حكاية حد يطلع يقول كلمتين ليهم مصداقية يبقى فيه مصدر بيقول إيه الحكاية حق المعرفة واجب.
من جانبهم يواصل الغواصين التابعين لفرق الإنقاذ النهري جهودهم، في سبيل البحث عن السيارة الميكروباص التي سقطت في نهر النيل، أعلى كوبري الساحل، رغم مرور نحو 9 ساعات تقريبًا على الحادث.
وأكمل موسى: الحقيقة هتيجي من اللي عنده معلومات محتاجين بيان عاجل يقول اللي حصل إيه الناس دي مش هتروح بيوتها لحد ما يقولولنا حصل إيه ونتمنى السلامة للجميع.
ودفعت أجهزة الأمن بـ7 لانشات إنقاذ لانتشال ضحايا الميكروباص المنكوب في مياه النيل بعد سقوطه من أعلى كوبري الساحل.
