أمير كرارة: رجعت من شهر العسل في تايلاند معايا 800 جنيه بس وشيلت الهم بدري
تحدث النجمان أمير كرارة وأحمد صلاح حسني، عن بعض الصعوبات التي تعرضا لها في بداية حياتهما وخاصة بعد الزواج وتحمل المسؤولية، حيث اتفقا الاثنان أن الرزق الواسع يهبه الله للإنسان مع الزواج والخلفة.
قال أمير كرارة خلال لقائه مع أحمد صلاح حسني في برنامج بصراحة مع المذاع عبر فضائية mbc1، إنه كان لا يمتلك سوى 800 جنيه فقط بعد عودته من شهر العسل، ما جعله يشعر بالهم، لكنه لم يتوقع الرزق الذي وهبه الله له في اليوم التالي بعد رجوعه من شهر العسل مع زوجته.
أضاف كرارة: كنت مسافر مع زوجتي شهر العسل في تايلاند بـ 20 الف جنيه، وأنا راجع في الطيارة كنت شايل الهم، مع إن كان لسه بدري على الهم وكنت صغير، قلت لمراتي أنتي عارفة أني مش معايا غير 800 جنيه كل ما أمتلكه في حياتي قالت لي سيبها على الله ما تقلقش.
وتابع كرارة موجها حديثه لصلاح حسني: وصلنا مصر لقينا أمك الله يرحمها ست الكل حطالنا أكل وحاجات في التلاجة يعيشونا كام يوم، والحمد لله إحنا لا لينا ولا علينا وبنينا نفسنا بنفسنا، وما كنش علينا فلوس لحد.
وأردف: نمت وأنا شايل الهم، وصحيت الصبح لقيت 15 رسالة من المنتج جمال العدل، قال لي هات لبسك دلوقتي في مسلسل، في نفس اليوم جالي مسلسل تاني ومسلسل تالت، ما كنش حجم كبير بس الحمد لله، وكل ما بتخلف الرزق بيزيد كل عيل بيجي برزقه.. الدنيا بتمشي والحياة لطيفة جدا.
واستطرد: أنا قلوق وأوفر في كل حاجة، زمان قبل الخلفة ما كنتش بشيل هم وقبل الجواز ما كنتش بشيل هم خالص كنت بطولي وزي ما تيجي تيجي، لكن أنا بكون عاوز اللي نحوا عايشين أحسن حاجة في الدنيا ومفيش حاجة تقف قدامهم.
يُشار إلى أن أمير كرارة متزوج من هند صلاح حسني، شقيقة الفنان أحمد صلاح حسني، وأنجب منها ابنه سليم وابنتيه ليلى ونيللي.
