مفيش شغلانة عيب.. طالبة تبيع سندوتشات منزلية للإنفاق على دراستها
مفيش شغلانة عيب.. بهذه الكلمات عبرت رحاب طارق، الطالبة بالفرقة الأولى بكلية فنون تطبيقية بجامعة حلوان، عن فرحتها بإنشاء مشروعًا صغيرًا للسندوتشات السريعة.
في الصباح الباكر، تستيقظ رحاب وتبدأ في إعداد السندوتشات، ثم تحمل أمتعتها وتذهب إلى البوابة الرئيسية لجامعة القاهرة، لتنفذ أول خطوة في مشروعها يوم أمس.
بعد محاولات عديدة، أقنعت الفتاة العشرينية، والدتها لتوافق على بدء المشروع، لتحقيق أول خطوة في حلمها، حيث أن الحلم الأكبر هو افتتاح كافيه لتقديم المشروبات الساخنة والباردة وسندويشات الفاست فود.
تقول رحاب لـ القاهرة 24: من زمان نفسي ابدأ في المشروع، بس مكنش عندي جرأة أعمل كده وقتها، وبقالي كتير بقنع ماما، عشان كانت رافضة أقف في الشارع، لأنه خطر عليا، بس حاولت أقنعها كتير أوي والحمدلله نجحت في ده.
أضافت: كنت عاوزة أجرب المشروع أونلاين، بس صحابي قالوا مش هينفع، الناس بتدور على أقرب مطعم لما تجوع مش أونلاين، فكان لازم أنزل الشارع، وامبارح كان أول يوم أعمل ده.
وتابعت الفتاة: تفاجأت بكم الدعم اللي حصلت عليه، ومحدش ضايقني في الشارع خالص، بس في الأول كانوا مستغربين، وبيبصوا عليا ويمشوا، بعدين بدأوا يسألوا ويشتروا الحمدلله.
هتبيعي سندوتشات في الشارع وأنت مهندسة؟.. كلمات محبطة طالت رحاب، إلا أنها لم تتخل عن حلمها، متمنية أن يتحول هذا المشروع في يوم من الأيام إلى مشروع كبير.
هدف رحاب من المشروع الاعتماد على نفسها، حيث خاضت التجربة في العديد من الأشياء الأخرى، متغلبة على الكلام المحبط التي تعرضت لها من قبل البعض: حلمي الفترة الجاية اتعرف أكتر، وناس كتير تجرب الساندويتشات، وأضيف أصناف جديدة على اللي بعمله لحد ما يكون معايا فلوس أقدر أفتح بيها الكافيه اللي نفسي فيه.
