شكله حكومة يا واد.. أحمد السقا يروي موقفين غريبين بعد ركوبه ميكروباص ليلا
روى الفنان أحمد السقا أحد المواقف التي تعرض لها بسبب عدم حبه لقيادة السيارات وتفضيله استخدام التاكسي أو الميكروباص في فصل الشتاء لرغبته في تعلم لغة الشارع ومخارج الحروف من الجمهور حتى يكون متجددا باستمرار.
وقال خلال لقائه مع الإعلامية لميس الحديدي في برنامجها السيرة على قناة ON: مرة في الشتاء وكانت الساعة الثانية بعد منتصف اليل وكنت عاوز أنزل الشارع ومش عايز أسوق ولا حد يسوقلي نزلت من البيت وأنا ساكن في الصحراوي وكانت الدنيا فاضية، واستوقفت ميكروباص وكنت مش حالق دقني ولابس كاب.
وتابع أحمد السقا: وقفت ميكروباص وقلتله نزلني في الهرم بالقرب من نزلة السمان عشان أكمل بتاكسي وأوصل منطقة سقارة في الإسطبل.
وأضاف أحمد السقا: كان فيها شباب شكلهم غريب سمعتهم بيقولوا لبعض شكله حكومة يا واد نعمل إيه قالوا لبعض ننزل إشارة الجاية أفضل وبالفعل نزلوا ولم يتبقى سوى أنا والسائق، فسألته: آخرك إيه قالي محطة مشعل؟ فطلبت منه بذوق شديد أن يكمل بي الطريق صوب الجبل نظير حصوله على ما يطلبه من المال، ففاجأني برد فعله قائلا: أبوس إيدك خد أي حاجة ما عدا العربية.
وتابع أحمد السقا: قلتله أنا مش حرامي أقنعته وخلعت الكاب وعرفني وقعدت تلت ساعة أقنعه إني أحمد السقا وأخدته وصلينا الفجر سوا وشربنا شاي.
