طبيب البنك الأهلي: بامبو ليس موقوفًا.. وهذه كواليس واقعة تناوله أدوية محظورة
تحدث أحمد عز الدين طبيب الفريق الأول لنادي البنك الأهلي عن واقعة إيجابية عينة تحليل المنشطات لكريم بامبو لاعب الفريق.
وقال عز الدين في تصريحات تلفزيونية: كريم بامبو مش موقوف، هو في إيقاف طوعي لحد ما يتم تحليل العينة.
وأضاف طبيب البنك الأهلي: ثبت وجود مادة محظورة بعد تحليل واحدة من المباريات في الموسم الماضي في شهر مايو، كريم كان بياخد دوا تخسيس، وثبتت إيجابية العينة، حاليًا منتظرين القرار ولكن مفيش أي قرار بإيقاف اللاعب.
وواصل عز الدين: كريم موقوف وقفا طوعيا، وهو ما يعني وفقًا للوائح إن في عينات معينة لو ثبتت العينة ممكن تقبل إنه يتم إيقافك طوعيا لحين صدور النتيجة وتحليل العينة، يا إما تلعب وتستنى القرار وبعدها تبدأ تتوقف، كريم قرر يكمل الموسم ثم يتم إيقافه.
وأردف عز: اللي حصل ده حالة غش تجاري، لأن مش مكتوب عليه المكونات المحظورة دي، وكريم استطلع رأينا وبعد مراجعة نشرة العقار والمكونات وجدنا أنه مكتوب عليه يحتوي على مكونات طبيعية فسمحنا للاعب بتناوله.
واختتم طبيب الفريق تصريحاته: مفيش أي قرار من النادي ضدي بعد اللي حصل، إدارة النادي متفهمة الوضع تمامًا، وحتى الآن لا توجد مدة إيقاف لأن النادي متبلغش ومنتظرين تحليل النتيجة.
