بائع أنتيكات بالدقهلية: بعت كأس العالم بـ 1000 جنيه.. وقطع أثرية تصل لنصف مليون جنيه
في شوارع قديمة بمدينة المنصورة في محافظة الدقهلية، يجلس بعض تجار الأنتيكات، لبيع بعض القطع الأثرية القديمة والتي يرجع عمرها إلي الملك فاروق.
شمعدان وأدوات منزلية وكاميرا وباجور وأحجار كريمة.. كل هذا وأكثر يباع في سوق السبت والثلاث، بمنطقة الشيخ حسانين بمدينة المنصورة.
قام موقع القاهرة 24 بجولة تفقدية داخل السوق وتقابل مع عدد من تجار الأنتيكات.
وقال مصطفي كامل أحد تجار الأنتيكات: أنا مهنتي الأصلية نقاش ولكن عشقت الأنتيكات وعندي أنتيكات بقالها 50 سنة زي شمعدانات ومعالق معدنية وبواجير وأشياء كثيرة جدًا.
وأضاف كامل: أغلبية الأشخاص اللي بتبيع الأنتيكات مش دايما مقدرة قيمتها، وأحيانا ناس بتيجي تبيع أشياء من عصر الملك فاروق.
وأكمل التاجر: إحنا بنشتري من الناس وبنبيع للناس بس دائما اللي بيشتري بيكون بيحب الأنتيكات وفاهم فيها، وأحيانا بيشتري مني عرايس بتجهز برده بياخدوا الأنتكيات مني.
واختتم تاجر الأنتيكات: أغلى قطعة بعتها كانت لكأس عالم وبعته بـ 1000 جنيه وكل قطعة ليها سعرها في قطع أثرية ممكن تتباع بنص مليون جنيه ولكن دي ليها زباينها.
