رسالة غامضة من أحمد فلوكس بعد تعرضه لـ أعمال السحر: كفاية شغل شياطين.. ما بجيش بالتهديد
وجّه الفنان أحمد فلوكس رسالة شديدة اللهجة، لمن عرضته للسحر، مُحذرًا إياها من أن ترتكب شيئًا في نجله أو والده، مشيرًا إلى أنه سوف ينتقم منها قريبًا، حيث إنه يعلمها جيدًا، ويعلم كل أمورها.
وكتب أحمد فلوكس منشورًا، عبر حسابه الشخصي بموقع فيسبوك، قائلًا: من شويه دعيت ربنا إني أرجع طبيعي زي زمان.. أرجع زي ما كنت بحق صلاة الفجر، أشتغل وأنجح فقط، ما شوفش كمية الشر والمؤامرات والقذارة اللي شوفتها، بقالي سنتين وأكتر.. اتحولت حياتي وشخصيتي وتصرفاتي لشخص أنا مش عارفه.
وتابع فلوكس: كل اللي عارفه كويس.. إن كل أذى بييجي على بيتي بقف قدامه، ودي الحاجة الوحيدة اللي بتفكرني أنا مين، لأني راجل والدنيا والشارع علمني إزاي أبقى راجل.. سنتين ويمكن أكثر كل اللي أنت قولتيه ومشيتي تقوليه، معرفتيش تعملي منه حاجه، حتى السحر والأعمال، والإرسالات اللي يوميا بتعمليها، وبتبعتيها سواء بنفسك، وطبعا في ناس مش هتصدق إنك بتعمليها بنفسك، أو عن طريق اللي معاكي أو اللي بتدفعيلو.
وأضاف فلوكس: أخدت ابتلائي منها، واتعلمت الدرس اللي ربنا أراد إني أتعلمه، والباقي أن الله سيبطله، وبطلة المشكلة إنك لسه بتقولي إني أقل من إني أعمل حاجة، وأني لو عايز حاجة كنت عملتها، لكن علشان إنتي أساسا ماتعرفيش ربنا، فبالتالي مش ها تعرفي معني كلمة راجل.. أنا بعمل اللي عاوز أعمله في الوقت اللي يتعمل فيه فقط، مش زيك وكل مشوار حياتي عملتوا بتعبي وشقاي مش زيك.
رسالة غامضة من أحمد فلوكس
واستكمل فلوكس: أنا عرفتك بعد الممر، وكنت بعدت عن الفن، مش أنتي اللي بعدتيني عن الفن، زي ما أنتي بتقولي، وأنا الحقيقة ولا بعدت ولا هابعد، وانتظريني أنتي واللي معاكي قريب في قنبلة الموسم، بس كله في وقته. المشكلة إنك فاكرة إني مش هانزل حاجة ولا ها جيب سيرة الحاجات اللي كانت على تليفونك، ولا أسامي كل اللي ساعدوكي من أول اللي قدمت فيه مذكرة في التفتيش، لأكبر رأس علشان فاكرة إني ها أتأذي من ناسك لو نزلت.
واستطر فلوكس: مشكلتك الكبيرة أن تقييمك وتقديرك للي قدامك دايمًا غلط، أنا ولا هاتأذي ولا حد هايعرف يأذيني، لأن في الحق أنا معايا ربنا، وما خافش فإوعي تفتكري إني مش هانزل، ولا هاتكلم تبقي كالعادة عبيطة، ويا عبيطة أنتي أساسا سلمتيهم كلهم وفضحتيهم واحد واحد، من ساعة ما كل حاجة اتاخدت من على تليفونك، أنتي في دولة يا ماما بس كل حاجة ليها وقتها، وفكك من جو أصل هايتهدد بابنه ومراته وأبوه، علشان اللي يفكر يعمل كده يبقى جنى على حياة أهله.. كله مش أنا يا ماما اللي باجي بالتهديد، كل حاجة في الوقت المناسب بتبقى حلوه قوي.
وتابع: زمان وأنتي متوهاني قولتيلي أنت مش هاتعرف تمسك عليا حاجة، مسكت عليكي كل حاجة، وبقيتي أنتي واللي معاكي كتاب مفتوح بقلب فيه زي مانا عايز، دي آخر رسالة أنا هاكتبها، اللي بتعمليه أذى ليا بإيديكي، صدقيني وأنتي بتعمليه أساسا بيتردلك، أبني وأمه آخر مرة أعرف أنك بتأذيهم، علشان كل أذى بيترد، وحرام تكوني سبب أذى لعيالك بأفعالك للغير، اتقي الله وكفاية شغل الشياطين ده، علشان بعد كده اللي حضّر العفريت مش هيعرف يصرفه، آه صحيح علشان التحدي اللي اتحديته للي قطعوا معاكي هاتخسريه نهائي، وأديكي شوفتي روحتي وطلعت نايبك على شونا، وثاني أنسي نهائي إنك تشوفيني هناك، وحاجة كمان بمناسبة إني مابعملش وبوء.
أحمد فلوكس يحذر من يعرضه للسحر
أضاف فلوكس: البت اللي جايباها من المغرب، علشان تعمل أعمال ليا وللناس اللي بتتعاملي معاها، اتفرجي هايتعمل فيها إيه، ودي علشان بس غلاوتك عندي يمكن تفوقي، وتنهي بقى حواراتك اللي بقت فعلا مؤرفة، وفعلا شايف تفكير السفر أو الهروب هو الحل ليكي، حاجة أخيرة كل اللي عملتلهم وأذتيهم في حياتهم بأعمالك وتصرفات أنتي فجأة هاتلاقيهم في وشك وفايقين، وربنا عافيهم.
واختتم فلوكس، قائلا: زي اللي طلعت اتكلمت من أسبوعين كده في المواقع، وقالت إن معمولها سحر من أقرب أصدقائها، وقالت هتقول مين، وأنتي خرستيها تاني.. ده كان تجربة مش أكثر، آخر مرة أعرف أنك أذيتي بيتي وأبني وأمه ثاني.
