رامي عاشور: لن أقدم المهرجانات لأن نشأتي مختلفة | فيديو
علق الفنان رامي عاشور، ونجم الاسكواش المعتزل، عن رأيه في المهرجانات الشعبية التي تقدم خلال الفترة الحالية، مشيرًا إلى أنه لن يقدمها.
وقال رامي عاشور لـ القاهرة 24، لن أقدم لون المهرجانات، وذلك لأن نشأتي مختلفة عن ذلك اللون، أما مقدمي المهرجانات فهي تعبر وتشبه نشأتهم.
وأضاف رامي عاشور: ومطرب المهرجانات عملوا حاجة الناس حبيها وبرافو عليهم، ونحاول أحنا كمان نعمل حاجة الناس تصقف لنا عليها، مش هنفضل نقول إيه الوحاشة دي ومينفعش نقول كدا.
وتابع رامي: هما قالوا كلام الناس حبيته ومش هنقعد نمسك في خناقهم، وأي حد بيغني أو بيؤدي كأنه بيقدم منتج والناس بتاعتها بقى تشتيريه ولا لا، أكيد مش هروح أقول للناس ازاي تشتري المنتج ده؟، وأنا كرامي بحاول أقدم منتج الناس تحبه وتشتريه، ولو لقيت حد بيقولي إيه القرف ده والوحاشة دي هقول بكل بساطة ده منتج عاجبك اشتريه مش عاجبك ماتشتريهوش.
وأكد رامي عاشور، في حديثه على ضرورة احترام الأذواق المختلفة، مضيفًا: بجد لازم نتعود على كدا وإن كل واحد يقدم اللي هو عاوزه والحياة مش ناقصة وجع قلب كل واحد فيه اللي مكفيه والمشاكل اللي في حياته.
