رجاء حسين: أنا وحيدة ماليش أخوات ولا أعمام ولا أخوال وعندي صبر أيوب | فيديو
كشفت الفنانة رجاء حسين، تفاصيل انفصالها عن طليقها الفنان سيف عبد الرحمن عام 2006 في هدوء تام، دون الكشف تفاصيل هذا الانفصال وأسبابه.
وقالت رجاء حسين خلال لقائها مع الإعلامية راغدة شلهوب ببرنامج نص الكلام المذاع على شاشة النهار: 51 سنة مروا عليا بمرهم، وكان مُرهم أكتر من حلوهم.. أنا بحتفظ بالأسباب لنفسي ومبحبش أخون، وده كان جوزي أبو أولادي.. انفصلت 2006 مفتحتش بوقي، وابني توفى 2014 مفتحتش بوقي، إلا حتى لما ابنه توفي من زوجته الثانية وهما في قمة الاحترام، وحزنت على ابنه زي ابني بالضبط، وأنا اللي دفعت سيف للزواج وهو اعترف، وأنا قولت بلاش مياعة واتجوز.
وتابعت: أنا بصيت لقدام.. مليش أخوات مليش أعمام مليش خيلان ولا خالات، ووحيدة مكنش ليا غير سيف وبنتي وابني، وده اللي خلاني استحمل 51 سنة جواز، وكنت عايزة أربي عيالي تربية كويسة، وأنا مُؤمنة ما دام في أطفال مينفعش الانفصال إلا لما يكبروا ويقفوا على رجليهم.
رجاء حسين تتحدث عن تعرضها للخيانة
وأضافت رجاء حسين:2021 بدأت أتكلم، لأني كنت خايفة على ابني وعلى نفسي، كرجاء حسين ومطلعش زي بعض الفنانات أتكلم عن حياتي وأموري الشخصية، ومش خايفة على سيف عشان حاجة، لأ هتكلم مع أحفاده إزاي عنه، بقيت معاه وكرامتي مُصانة.. عندي صبر أيوب، لازم شفت أمي كده لازم عشان سمعتي، وأنا في الصورة أكتر منه، ومش عايزة حد يقول أي حاجة عني، وعمري ما اتكلمت على حياتي الشخصية.
وأما عن صبرها طوال السنوات الماضية وتعرضها للخيانة، قالت رجاء حسين: ده قدري ومكتوب لي كده أعيش معاه كده وننفصل كده، والست العاقلة تعمل كده، الست اللي جوايا أنسيها.. كتر القسية تعلم الجفا.. الأثنى اللي جوايا ماتت.
