أمانة ولاد البلد.. سائق ميكروباص يعيد 20 ألف جنيه لراكب بالدقهلية
ضرب سائق ميكروباص، بمدينة المنصورة في محافظة الدقهلية، مثلًا في الأمانة حيث أعاد شنطة بداخلها مبلغ مالي 20 ألف جنيه لراكب.
وكان صاحب الأموال قد كتب منشورًا على موقع التواصل الاجتماعي فيسبوك، يطالب فيه أي شخص عثر على الأموال بالتواصل معه، معللًا بأن الأموال لأمر مهم جدا.
وقال عم أحمد، سائق الميكروباص في تصريحات خاصة لـ القاهرة 24: أنا باعمل على ميكروباص خط المنصورة - طناح فركبت معي سيدة كبيرة، وكانت تمسك شنطة في إيدها، ده عادي وبيحصل معايا يوميا، وطلبت السيدة تنزل في الطريق وبالفعل نزلت، ولكن بعدها قالي أحد الركاب إن السيدة نسيت شنطة فقولتله هاتها يمكن تسأل عليها.
وأضاف سائق الميكروباص: وبعد انتهاء التوصيلة فتحت الشنطة حتى أعثر على دليل يساعدني في الوصول إلى هذه السيدة، ولكن فوجئت بأن الشنطة بها مبلغ مالي كبير، نحو 20 ألف جنيه، حاولت أوصل للسيدة ولكن هناك شخصا قالي إن في منشور على فيسبوك بيوصف الشنطة وعلى الفور قمت بالاتصال بصاحب المنشور، وبالفعل تأكدت أنه هو وسلمته الشنطة.
وختم: أنا باطلب من ربنا دائما يرزقني بالحلال، وعمري ما أطمع في حاجة حد، ماحدش عارف هو عايز الفلوس دي ليه، ربنا يرزقنا جميعًا.
وتقدم صاحب الأموال بالشكر لعم أحمد، قائلًا: الحمد الله الفلوس دي كانت لشيء مهم وتم العثور عليها مع الراجل المحترم عم أحمد، باشكره على أمانته ومهما قلت عنه مش هوفّي حقه في الأمانة والطيبة.
