أمهات مصر: قرار منع مطربي المهرجانات صائب ويصب في مصلحة أبنائنا الطلاب وأجيالنا
قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن قرار الفنان هاني شاكر، نقيب الموسيقيين، بمنع مطربي المهرجانات، قرار صائب ويصب في مصلحة أبنائنا الطلاب في جميع المراحل التعليمية والأجيال بشكل عام.
وأكدت عبير، خلال حديثها للقاهرة 24، دعمهم الكامل لنقيب الموسيقيين هاني شاكر، في قراره الذي وصفوه بالجريء، لافته إلى أن أغاني المهرجانات أفسدت الذوق العام وأثرت بشكل سلبي علي أبنائنا داخل الأسرة المصرية، وكان يجب منعها منذ البداية ولكن القرار صائب حتي ولو جاء متأخرا.
وطرحت عبير سؤالا على الأمهات من أولياء الأمور في الصفحة الرسمية للاتحاد والائتلاف في الفيسبوك، تضمن: -
"الأمهات المحترمين.. شايفين قرار نقيب المهن الموسيقية هاني شاكر ازاي؟ الخاص بمنع مطربي المهرجانات، وأولادكم كان بيتعاملوا إزاي مع الأغاني دي؟.
وتفاعل المئات من أولياء الأمور من الأمهات مع المنشور، حيث قالت: "أحسن قرار في الدنيا فعلا مش كلام، حصل تغيير في الذوق العام والولاد بيغنوا ويقولوا ألفاظ عجيبه من جوه الأغاني"، وذكرت أخري: للأسف بنتي حافظه أغانيهم وبتنزل حالات واتس بنفس الأصوات البشعه دي، حاولت كتير تقولي بحبهم، أنا وراها لحد ما تتخلص من التلوث دا، حاحه بشعه بصراحه".
وأضافت ولي أمر: "قرار ممتاز بس إتأخر كتير أو ي، والتأخير تسبب إنه يبقي لهم وجود وجمهور، لازم يتم بث فن هادف يجذب الجمهور"، وتابعت أخري: "قرار صح بس ياريت كان يتاخد بدري كمان عن كده، مش معقول ده يبقي منظر غناء بلدنا قدام كل العالم ولا معقول أولادنا يطلعوا بيسمعوا الكلام ده ولا دي أصوات أصلا تتسمع"، واستكملت أخري: "قرار حكيم طبعا كفاية تدنى بالذوق".
"إحنا معاه وهو على حق، دعموه جدا، الفلوس بتغري الشباب لطريق التهريج والانحراف"، تضيف ولي أمر: "قرار كان لازم يتاخد من قبل كده بكتير لأن بصراحة أغلبهم صوته بيوصلنا للتلوث السمعى، تسلم مطربنا العظيم ونقيبنا".
