آخر كلمات الإعلامية أسماء مصطفى قبل رحيلها: المرض دمرني | أسبوع رحيل المذيعات
في أسبوع رحيل المذيعات، توفيت الإعلامية أسماء مصطفى، اليوم الإثنين، متأثرة بإصابتها بمرض السرطان، لتكون ثالث مذيعة ترحل عن عالمنا خلال أسبوعـ عقب وفاة الإعلاميتان بالتلفزيون الرسمي شيرين الدويك ومها حسني.
آخر كلمات الإعلامية أسماء مصطفى قبل رحيلها
ووجهت الإعلامية أسماء مصطفى قبل رحيلها، لجمهورها عبر بوست نشرته من خلال حسابها الشخصي بموقع التواصل الاجتماعي فيسبوك، قائلة: معرفش ليه بجد الإنسان لما بيجرب إنه قرب من الموت وربنا بينجيه ويقف معاه، كل شوية يقرب ويبعد، الدنيا فى نظره بتصغر، وبيحس إنه كان بيدي أمور ملهاش لازمة مساحة في حياته، وبيحتفظ في قلبه بعيلته وأهله والناس الحلوة الطيبة اللي حواليه، دول بس اللي بيفضل فاكرهم.
وتابعت أسماء مصطفى: حتى لو حد كان مزعله أو فيه موقف، وجت السيرة بالصدفة، حقيقي بكون مش فاكرة أساسا، بفكر في ناس تانية خالص، سبحان الله، فعلا مش دايم غير المعروف والمحبة والسيرة الطيبة.
أسماء مصطفى تشكر لوالدتها وزوجها النائب أيمن أبو العلا
وحرصت الإعلامية الراحلة أسماء مصطفى، على توجيه الشكر والعرفان لوالدتها وزوجها النائب أيمن أبو العلا، قائلة: امى ربنا يديها العمر والصحة ويصبرها على ابتلاءها فيه قبل ما اتجوز لانى كنت برفض ناس كتير كل ما كانت تسالني كنت اقولها عايزة اتجوز راجل بيحبنى بجد لنفسى كانت تدعى وتقولى ربنا يرزقك بإلى يقدرك ويريح قلبك يكون ابن اصول عمرها ما اتمنت ليه عريس يجبيلى مثلا شبكة بكام ولا هسكن ولا حاجة خالص زى ما بيحصل ولا طلبت غير راحة بإلى وحد يقدرنى..وربنا سبحانه وتعالى استجاب دعوتنا احنا الاثنين رزقنى براجل بجد بيحبنى لنفسى ولشخصى وبيقدرنى والمحنة والمرض خلونى افتكر دعوتها.
وأضافت أسماء مصطفى: المرض الملعون ده دمرني لكن هو شايفنى احلى ست فى الدنيا ولاقيته ضهرى وسندى فى دنيتى ربنا يحميه ويحفظه ويكفيه شر الحاسدين ويبارك فى اولادنا ويحفظهم ونقدر نعدى المحنة ونخرج بمنحة يا رب صبرنا على ابتلاءنا.
النائب أيمن أبو العلا ينعي زوجته أسماء نصطفى
ومن جهته، نعى النائب أيمن أبو العلا زوجته الإعلامية الراحلة أسماء مصطفى، بكلمات مؤثرة، عبر حسابه الشخصي بموقع فيسبوك، قائلًا: انكسر ظهري وفطر قلبي ولن أقول إلا ما يرضي الله.. إنا لله وإنا إليه راجعون.
