بعد قرارات هاني شاكر.. مي فاروق: أغاني المهرجانات بتضرب جيل كامل
دعمت المطربة مي فاروق، قرارات الفنان هاني شاكر نقيب المهن الموسيقية، بعد إصداره بيانًا بمنع 19 مؤديًا من مطربي المهرجانات عن الغناء، مشيرًة أن هذا القرار لصالح الدولة والفن المصري.
وكتبت مي فاروق منشورًا، عبر حسابها الشخصي بموقع التواصل الاجتماعي فيس بوك، جاء فيه: طيب في ظل الظروف أحب أوضح أني ضد فكرة المهرجانات، ولا من مؤيدينها ولا بحبها ولا بعتبرها نوع من الفن ولا الثقافة المصرية.
مي فاروق
وتابعت مي فاروق: لما قلت بحب أغنية معينة لويجز، ده لإنه ا كلون وشكل موسيقي شد ودني مش أكثر، وأنا من المقاتلين أن شكل الفن المصري يرجع لقواعده الطبيعية، لكن برضو بضطر اسمع حاجات كتير، ممكن حاجه منهم تعجبني واحبها كشكل.
مي فاروق تدعم الفنان هاني شاكر
وأضافت مي فاروق: الراب لون ممكن يطلع منه حاجات حلوة كتير، عشان كده أغنية معينة شدت ودني وعجبتني، إنما هي مش مهرجانات ولا أنا بحبها، ولا ليا فيها ولا بحترم هذا الشكل تماما، لكنه اتفرض علينا واصبح له فئة عريضة بتسمعة.
واختتمت مي فاروق: وأنا من أكثر الناس اللي نفسها اللون ده والشكل بتاع المهرجانات ده مايبقاش موجود، أو يتعمل عليه مواضيع بقى وكلام محترم، لأنه محتواه بيبوظ ودان ولادنا، بيضرب جيل كامل.. اتمني يكون كلامي وصل.
