مرتضى منصور: أرحب بزيارة مجلس الأهلي.. وهنروح لهم قريب | فيديو
تحدث مرتضى منصور رئيس نادي الزمالك، عن استعداد مجلس إدارة القلعة البيضاء، لزيارة مجلس إدارة النادي الأهلي، خلال الفترة المقبلة، وكذلك عن ترحيبه بزيارة وفد مجلس الأهلي الأخيرة.
مرتضى منصور يتحدث عن مجلس الأهلي
وقال مرتضى منصور في فيديو نشره على صفحته الرسمية على فيسبوك: أحمد موسى بيقول: ازاي النادي الأهلي يقعد سنة من غير نائب؟، وأنا بقوله: ازاي نادي الزمالك يقعد سنة من غير مجلس؟.
وتابع مرتضى منصور: أنا بمد إيدي لمجلس إدارة النادي الأهلي، وبفتح صفحة جديدة؛ لنبذ التعصب، عشان بلدنا مش محتاجة أي حاجة فيها توتر، وأنا قلت كده في المؤتمر.
وردًا على هجوم بعض صفحات الزمالك، قال مرتضى منصور: أنا مش ههاجم الخطيب أول لما آجي، هما مجلس جديد، واحنا لسه راجعين من سنة، لما تكون في مناسبة للخناق؛ هنتخانق، ولما تكون في مناسبة للتهنئة؛ هنهني.
واختتم مرتضى منصور: أنا محدش بيمشيني، احنا بس عايزين ننبذ التعصب، وانتوا اتخانقوا على الفيسبوك من غير ما تغلطوا في بعض، وأنا ضد التحفيل، هما بدأوا بالتعزية؛ فأنا رديت، فهما ردوا الرد، وأنا برحب إن مجلس الأهلي ييجي يزورنا، واحنا هنروح نزورهم قريب إن شاء الله.
