حفيد كمال الشناوي يدافع عن محمد صلاح: كفاية رياء وتظاهر بالدين
دافع الفنان عمر الشناوي عن اللاعب المصري محمد صلاح، بعد الانتقادات التي طالته بسبب تصريحه الأخير حول موقفه من شرب الخمر، خلال لقائه ببرنامج الحكاية مع عمرو أديب.
وكتب عمر الشناوي عبر حسابه الشخصي بموقع التواصل الاجتماعي فيسبوك: لعيب كورة عاوزينه يبقى داعية، هو ليه محدش بيفضل في حاله، ويشوف نفسه الأول، مش عاوز يشرب عشان طعمها بيضايقه، عشان ملوش نفس، عشان حرام، عشان أي شيء دي حاجة بينه وبين ربه بتتعالوا عليه ليه.
عمر الشناوي يدافع عن محمد صلاح
وتابع عمر الشناوي: شايفين إن أنتم أحسن منه ليه؟ مستكترين عليه النجاح، فلازم تطلعوا في عيوب الدنيا، طب لو أنتم مستكترين عليه النجاح، ربنا مش مستكتره عليه وبيزيده نجاح غصب عنكم.
وأضاف عمر الشناوي: كفاية رياء وتظاهر بالدين وداخلكم سواد، لا ومش بس كده ولو اتكلم في الدين هيقولوا بتتكلم في الدين ليه، هو أي واحد اليومين دول بقى مفتي.
ومن ناحية أخرى، انضم عمر الشناوي مؤخرا لأبطال مسلسل لون البحر، مع المخرج أمير رمسيس، ومن تأليف ورشة كتابة لعدد من المؤلفين الشباب.
وبدأ عمر الشناوي تصوير مشاهده في المسلسل خلال الأيام الماضية، بجانب كل من: خالد النبوي، والفنانة التونسية عائشة بن أحمد.
