شيرين عبد الوهاب: أنا عندي وساوس ومش مريضة نفسية.. وحلقت عشان أربي نفسي
قالت الفنانة شيرين عبد الوهاب، إنها قامت بإزالة شعرها بنفسها قبل طلاقها من حسام حبيب بيوم واحد.
وأضافت في تصريحات لها مع الإعلامي عمرو أديب، خلال تقديمه برنامج الحكاية، عبر فضائية ام بي سي مصر: انا اللي وصلني لكده، إني شخصية حساسة بزيادة وأنا كنت بعاقب نفسي، لأني غلطت في حقي كتير وحق نفسي وحق اسمي، كان لازم أربي نفسي، أنا دخلت الجيش من أوسع أبوابه!
وتابعت: أنا بتعالج ومتابعة مع طبيب نفسي، ومحتاجة احتواء الناس ليا، إنهم يقدروا إني نازلة اشتغل في اللي أنا فيه، ومش عايزة حاجة من حد بس محدش يجرحني، وأنا مش مريضة نفسية خالص، ولما خلفت بناتي جالي وساس قهري، وبتعالج من إفرازات المخ الزايدة.
وعبرت الفنانة شيرين عبد الوهاب عن استيائها من تعليقات رواد السوشيال ميديا بعد حلق شعرها.
وكتبت شيرين عبد الوهاب عبر حسابها بموقع التواصل الاجتماعي تويتر: لية ميكونش لوك جديد، لية ميكونش أنا اللي عملت كده حتي لو عندي اكتئاب، ليه فرضتوا السيء والأسوء وظلمتوا شخص بريء وظلمتوني.
وتابعت: أنا قوية بيكوا، بس مبحبش حبكم ليا يخليكوا متشوفوش الحقائق أو تكونوا ظالمين.
