سيدة بالدقهلية تستغيث بعد انهيار سقف المنزل عليها نتيجة الأمطار: ابني اتكهرب بسبب المياه ونفسي أعيش عيشة كريمة
حالة مأساوية تعيشها سيدة و4 أطفال في مركز السنبلاوين في محافظة الدقهلية، بعد انهيار سقف منزلها بسبب موجة الطقس السيء التي تعرضت لها البلاد في الأيام الماضية.
وقدم القاهرة 24 بثًا مباشر مع السيدة سمر غريب وقالت سمر: أنا بعيش في المنزل منذ حوالي 20 سنة وكان سقف المنزل من الصاج فقط ومع مرور الوقت الصاج تهالك في الصيف الجو بيكون حر جدًا وفي الشتاء بينزل علينا مياه الشتاء وبعيش أنا ووالدي في هذه المعاناة منذ نحو سنتين.
وأضافت: منذ نحو أسبوع أثناء الشتاء والطقس السيئ مياه الأمطار غرقت منزلي وسرير أولادي، فقامت بإزالة الصاج المتهالك وأستلفت من الناس وفي ناس ساعدتني علشان اعمل سقف لأولادي يتحموا فيه من البرد والشتاء ولكن تفاجأت إن مجلس المدينة جالي ورفض البناء وبيقولي حطي الصاج بس انا وولادي في الشتاء بنتبهدل ومحدش حاسس بينا.
وتابعت: أنا أبني أتعرض للصعق الكهربائي بسب مياه المطر وأنا أيضا، أنا أبني بيقولي نفسي أعيش زي كل الناس مش خايفة من المطر، ودول أطفال مش فاهمين حاجة، وجيراني ساعدوني وجاري أداني مخزن لوضع عفشي فيه وأنا فيه أنا ووأولادي.
وختمت: أنا عندي 4 أطفال، وبيتي دور واحد بس وسقفه متحوط بالصاج، ومياه المطرة بتنزل على سراير ولادي اللي بيناموا عليها، وأنا عاوزة حل أنا مش عاوزة حد يبنيلي حاجة بس أنا عاوزة ابني السقف عشان مش هسيب ولادي يموتوا.
