شاب يتيم بالدقهلية يعاني من فشل كلوي: نفسي أعمل العملية وأرجع لحياتي
شهدت عزبة المأمور التابعة لمركز شربين في محافظة الدقهلية، معاناة لشاب يدعي رضا حمدي، 23 سنة، حيث أصيب بفشل كلوي في الكليتين، ونتج عن ذلك حدوث بعض الأضرار على الكبد.
وقال رضا للقاهرة 24: أنا بعيش معاناة منذ تقريبًا 4 سنوات، البداية كنت بلعب كورة مع أصدقائي وشعرت ببعض التعب ولكن لم أهتم، ولكن بعد فترة قصيرة فقدت شهيتي وذهبت للدكتور وقالي أنك عندك مشكلة في الكليتين فذهبت لدكتور متخصص في الكلي قالي أنت لازم تعمل غسيل كلوي لأن الكليتين شبه متوقفين تمامًا وكان لسه عندي 19 سنة.
وأضاف: بقالي 4 سنوات بغسيل كلى، 3 أيام في الأسبوع، وأنا تعبت من الغسيل، وبسب الغسيل حصل بعض الأضرار على الكبد وجميع الدكاتره أجمعت على ضرورة زارع الكلى ولكن تحتاج إلي مبلغ كبير، وأنا والدي متوفي منذ 6 سنوات وعندي أخ أصغر مني ووالدتي ملهاش أي مصدر دخل، وكان بعض رجال الأعمال بمدينة شربين وعدوني بدفع بمبالغ ولكن مفيش حد بيعمل حاجة.
وتابع: وأنا لازم أعمل العملية في أسرع وقت لأن الدكاترة خايفه من الضرر اللي في الكبد يكبر، وبكده مقدرش أعمل العملية، وأنا حاليًا فقدت القدرة على الحركة تمامًا حتى كنت الأول ممكن أنزل مع صحابي ولكن الآن أنا بخرج على الغسيل فقط.
وأوضح: نفسي أعمل العملية وألعب كرة تاني مع صحابي، وأرجع لحياتي الطبيعية ونفسي أتعالج علشان خاطر والدتي لأنها تعبت معايا.
