جيهان عبد الله: قدمت فوق الـ 30 برنامج وبخاف من السوشيال ميديا
قالت المذيعة جيهان عبد الله، إنها تخشى السوشيال ميديا، ولا تُفضل التصوير خلال تسجيلها لشركات محمول.
وأضافت عبد الله، في برنامج واحد من الناس، المُذاع على قناة الحياة، والذي يقدمه الإعلامي عمرو الليثي: حسيت إني نجحت لما من أول حد قابلني في الشارع عرفني وعرف القناة والبرنامج.
وواصلت المذيعة جيهان عبد الله: أنا مذيعة من 18 سنة، وقدمت فوق الـ 30 برنامج، أهمهم أجمد 7 الساعة 7، وسهرات رمضانية، مع فنانين كبار، موضحة أن جمهورها، من الشباب الكبار الخريجين من الجامعة.
واستكملت عبد الله: أنا بخاف من السوشيال ميديا، ولا مرة اتصورت وأنا بسجل.
وعن دخولها مجال التعليق الصوتي قالت: أنا اشتغلت إعلان، وبعد شهر حد كلمني قالولي إنهم عاوزين حد يسجل لشركة محمول، وفي الآخر روحت وجربت وعملت تيست صوت، وقالولي إحنا هناخدك انتي.
وفي نفس السياق، قال المذيع أحمد يونس، إنه تخرج من كلية آداب قسم إنجليزي، وكان حلمه العمل كمذيع راديو.
وأضاف يونس في برنامج واحد من الناس، المُذاع على تليفزيون، والذي يقدمه المذيع عمرو الليثي: أنا اتخرجت من كلية آداب قسم إنجليزي، وكل حلمي أكون مذيع راديو، ولاقيت إعلان شغال بيقول تراقبوا نجوم إف إم.
وتابع المذيع أحمد يونس: من هنا بدأت رحلة البحث وفضلت أدور على نجوم إف أم، وروحت على مدينة الإنتاج الإعلامي، عشان أدخل نجوم إف إم، وأول يوم شوفت جيهان عبد الله، وبقولها أنا عاوزة أقدم، فقالتلي تعالى.
وواصل يونس: اتكلمت مع الإدارة قالولي احنا عاوزين معدين، قلتلهم لا أنا عاوز ابقى مذيع، لحد ما سلموا في الأمر الواقع وبقيت مذيع.
واستكمل أحمد يونس: أنا أول حاجة أخدتها، فقرة اسمها نص ساعة مع أحمد يونس، بعد برنامج الأستاذ أسامة منير.
