زميلة الموظف المنتحر بالتجمع: ليست الواقعة الأولى.. وكان عليه مديونية 15 ألف جنيه
كشفت روشان البغدادي، زميلة الموظف نور عاشور المنتحر، بمقر عمله، بإحدى الشركات بالتجمع الخامس، كواليس الواقعة.
وقالت البغدادي، في مداخلة هاتفية مع الإعلامي عمرو أديب، ببرنامج الحكاية، المُذاع عبر فضائية mbc مصر، مساء اليوم السبت: لما وصلت الشغل كان لسه واقع على دماغه، ومش قادرة أتخطى هذا المشهد، زميلي كان عايز ينزل على دماغه عشان يتأكد من وفاته.
وأضافت زميلة الموظف المنتحر بمقر عمله: تعامل المديرين في الشركة مع الشباب كأنهم خرفان في زريبة، عمري ما شوفت نظام كروت للتهديد بالرفت عشان أخش الحمام.
وتابعت روشان البغدادي: هناك تعسف من المديرين والمهم عندهم تحقيق التارجت، زميلي كان متفق على أجهزة كهربائية اشتراها لبيته، وكان مستني يقبض البونص عشان يسدد مديونيته البالغة 15 ألف جنيه، لافتة إلى أن أقصى مرتب في الشركة للكول سنتر هو 4000 جنيه.
وأثار انتحار موظف في شركة تيلي بيرفورمانس مصر ردود أفعال واسعة، حيث نشرت فتاة تدعى روشان بغدادي مقطع فيديو لها تفاصيل انتحار موظف شركة تيلي بيرفورمانس مصر، وهي شركة دولية تعمل في مجال كول سنتر.
وأكملت روشان عبر صفحتها في واقعة انتحار موظف في إحدى شركات بالتجمع الخامس: في حاجة حصلت ولازم العالم كله يعرف اللي حصل، من يومين واحد في الشركة نط من الدور الثالث عشان ينتحر، ونط ومات في ساعتها.
وأضافت وهي تبكي: أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، متابعة: يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.
