السيسي: التسعير والإدارة والحوكمة أهم أسباب نجاح المشروعات
قال الرئيس عبد الفتاح السيسي، رئيس الجمهورية، أطالب بثلاثة أشياء حتى يتم نجاح المشروعات، هي التسعير والإدارة والحوكمة.
وأضاف السيسي خلال كلمته منذ قليل، أثناء تفقده مصنع اليوريا ونترات الأمونيا بمنطقة كيما بمحافظة أسوان، وتدشينه الوحدات المتحركة الجديدة بمحطة سكك حديد أسوان: التسعير محتاج دايما إزاى نحل فيه وهقول للمزارعين ووزارة الزراعة يا جماعة نظم الري الحديثة الزراعة الحديثة تخلي كمية الأسمدة المستخدمة أقل بنسبة 50 أو 40 % بدل ما تشترى شيكارتين تشترى واحدة أصدرها بره.
تابع: الوزير بيقول بعنا الأرض علشان ناخد قروض.. بعنا الأراضي علشان ده ونجيب جزء من الفلوس.. مش عاوزين نرجع تاني للخراب والمصنع ده بعد شوية يرجع يتدهور تاني.. في 3 حاجات التسعير والإدارة والحوكمة بنعمل إجراء علشان نحقق التسعير علشان يبقا سعر مناسب للزراعة فى مصر.
واردف الرئيس السيسي: الطن كان بتمن ودلوقتي بتمن تاني، نتيجة السنتين اللي فاتوا.. وبالتالي عاوز تصدر وعاوز احتياجات السوق والاسعار في السوق مدعومة والسعر وصل إلى تلت السعر اللي في العالم.
ووصل الرئيس عبد الفتاح السيسي، رئيس الجمهورية، منذ قليل، إلى منطقة كيما أسوان، حيث يتفقد صباح اليوم مصنع اليوريا ونترات الأمونيا بمنطقة كيما بمحافظة أسوان، كما يقوم بتفقد محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
وصرح السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يتفقد صباح اليوم، مصنع اليوريا ونترات الأمونيا بمنطقة كيما بمحافظة أسوان.
كما يتفقد الرئيس كذلك، محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها، من قاطرات وعربات السكك الحديدية.
