مصطفى شوقي: نصر محروس بيخططلي.. ولحنت لنانسي عجرم ومصطفى قمر
تحدث الفنان مصطفى شوقي، عن مسيرته الفنية ومساعدة المنتج نصر محروس له، كما كشف شوقي عن تلحينه أغاني للعديد من الفنانين.
وقال مصطفى شوقي خلال لقائه مع إسعاد يونس في برنامج صاحبة السعادة: “أنا لحنت أغاني لفنانين كتير، منهم مصطفى قمر، ونانسي عجرم في أغنية وحشاني يا مصر، بس دلوقتي بقيت مركز على الغناء أكتر”.
وواصل مصطفى شوقي: “فيه ناس بتقعد سنين عشان توصل للنجاح اللي أنا وصلت له ده في أغنية ملطشة القلوب، وممكن بعد كدا مقارنة الناس لأي حاجة هنزلها هتكون ظالمة شوية بس دا ميقللش من أي حاجة”.
وأضاف شوقي: “والخطة بعد النجاح دي مش بتاعتي، لأن نصر محروس هو اللي بيخططلين خصوصا أن اختيار الأغنية صعب جدا ولازم المطرب الناجح يبقى عنده القدرة على الاختيار، أو حد يختارله زي نصر محروس، ودي موهبة عنده، ودانه حلوة وخبرته كبيرة”.
واختتم شوقي، قائلا: “أنا بحاول أوصل للنجاح دا بقالي أكتر من 20 سنة وموصلتش إلا بفضل نصر محروس، وأنا مش شبه محمد منير؛ لأن مفيش منير تاني”.
أغنية ملطشة القلوب
والجدير بالذكر، قدم مصطفى شوقي العديد من الأعمال الفنية الناجحة منها أغنية ملطشة القلوب من كلمات صابر كمال، وألحان بلال سرور، وتوزيع رامي سمير، وتعتبر أغنية ملطشة القلوب نقطة فاصلة في مسيرة مصطفى شوقي الفنية، حيث كسرت الأغنية حاجز ال35 مليون مشاهدة منذ طرحها على موقع الفيديوهات يوتيوب.
