حكمت تستغيث من إخوتها: طردوني وأخدوا ميراثي وتعدوا على بنتي| فيديو
استغاثت سيدة أربعينية تدعى حكمت ربة منزل، مقيمة في قرية نازلة الأشطر بمنطقة شبرامنت بالجيزة، من أفعال شقيقيها بعدما امتنعوا عن تسليمها لنصيبها من الميراث، وتعدوا عليها وعلى ابنتها.
طردوني واخدوا ميراثي
وقالت حكمت إنها لديها شقيقان أخذا ميراثها وطردوها خارج منزلها واستوليا على أثاث منزلها وأثاث نجلتها شيماء، البالغة من العمر 24 عاما « طردوني واخدا ميراثي ومش عاوزين يدوني حقي وعندنا عمارات ومحلات كتير مش عارفه أطول منها مليم وقد استغلا فرصة إني تعبانة وعملت عملية المرارة راحوا ناصبين عليا.
تعدوا على بنتي
وسط انهيار وبكاء شديدين أكملت الضحية حديثها لـ القاهرة 24، أن شقيقها تعدى على ابنتها بالضرب وشرع في قتلها لأكثر من مرة في الشارع أمام منزلها، قائلة: أخويا تعدى على بنتي في الشارع وضربها بإيده وبالأقلام وكان هيموتها وبيشتمها بألفاظ بذيئة، ومن كتر ضربه ليها وقعت على الأرض ودماغها اتفتحت وكان ممكن تموت فيها.
وأكمل زوج السيدة حكمت ويدعى ناصر. أ، عامل نظافة البالغ من العمر 52 عاما، "أخوها أكثر من مرة كان هيموتني وعورني في وشي قبل كده وضربني بسكينة في رجلي كل ده عشان بدافع عن مراتي احنا مش عاوزين حاجه غير حقها.
