مشهد مهين للمرأة.. إلا أنا يثير الجدل بمواقع التواصل الاجتماعي

شهدت مواقع التواصل الاجتماعي في الساعات الأخيرة حالة من إثارة الجدل حول مسلسل إلا أنا الذي يعرض حاليا، فظهر في قصة تحت عنوان تقلها ذهب، إبراز لدور المرأة القوية والتي تمارس الرياضة وألعاب القوى المختلفة، ليكن الهدف من المسلسل إنهاء ما يتردد على ألسنة أغلب شخصيات المجتمع من عبارة بنات مسترجلة، وتجسيد قصة حياة بطلات مصر في الأولمبياد، وهن  هداية ملاك، فريال يوسف، سمر حمزة.

ولكن ظهر في أحد المشاهد بالمسلسل نقاش بين الفنانة هلا السعيد وسارة عبد الرحمن، وهم يتحدثن بصيغة المذكر، تعارض كليا مع فكرة المسلسل، ولم يعجب الأمر الجمهور، ليفتح جدلا واسعا على مواقع التواصل الاجتماعي ويثير غضب الجميع.

حوار بين البطلتين بصيغة المذكر يثير جدلا 

نشر حساب باسم إيمان سام صورة من المشهد، معلقة:  في مسلسل الهدف منه تكريم الرياضيات المصريات و دعم الفتيات وتوعيتهن بقيمتهن في المجتمع، تفتق ذهن كاتب حوار محترم ونبيه إن الحوار بين البطلتين يكون من نوعية: جرّب يا صاحبي وأنا معاك، خلي بالك أنا سمر بس ببقي في الجد سمير.. فميرسي أوي على الواجب الجامد ده يا حضرات.

وعلق حساب باسم تقى لاشين: اعتقد دي أكتر حاجة مستفزة أنا بقابلها في حياتي الفترة دي، إن لازم أي بنت بتلعب رياضه أيا كانت إيه تتعامل من اللي قدامها على أنها ولد ومسترجلة أوي، وممكن يندوها ب اسم ولد كمان، فكرة إن بقى معظم البنات فعلا تقبلت الفكرة، وعايشين حياتهم في جانب أنهم ولد بصوت وماشية وطريقة الولاد وكل حاجة، مجتمع مريض ومعقد.

طرح البوستر الرسمي لـ حكاية تقلها دهب من مسلسل إلا أنا

كما كتب حساب باسم ولاء محمود: هو بغض النظر طبعا إن الرياضة مهمه ودي حاجه ميختلفش عليها حد أبدا، وحلو جدا أن إننا نكرم الرياضيات وندعمهم ونعمل مسلسل نقف جنبهم فيه، بس إيه طريقة الحوار المستفزة دي، مين اللي قال أن لازم البنت الرياضية يكون أسلوبها كده مينفعش تبقي رياضية، وبنت عادي وبتتكلم بطريقة البنات الطبيعيين؟.

البنت المسترجلة

وعلق حساب باسم حبيبة حسيني: ليه مينفعش تكون بنت وبتلعب رياضة من غير ما نبص ليها نظرة البنت المسترجلة؟، ليه عاملين مسلسل بينقد الفكرة دي، وحاطين سيناريو للحوار بين البنتين بيكلموا بعض بصفة المذكر؟، طب فين دفاعك عن الفكرة وأنت بتعمل عكسها أصلا.

وكتب حساب باسم دارين إبراهيم: خير يا جماعة مش كبرنا على ربط التفوق الرياضي والبدني بالرجالة بس وأن اللي بتلعب ألعاب قوى يبقي اسمها مسترجلة ولا إيه.