تامر حسني: الحفاظ على روح الهاوي سبب النجاح
وجه الفنان تامر حسني نصيحة لجمهوره بمناسبة رأس السنة الليلة، هي النصيحة التي سار عليها طوال حياته التي حققت له النجاح الذي عليه حاليًا.
وقال تامر حسني: الحفاظ على روح الهاوي هو سبب النجاح، فحافظوا على روح الهاوي اللي فيكوا، وقولوا لنفسكوا مهما حققت أنا لسه محققتش، ولو ده اتكسر جواك واتطمنت اعرف إنه أول يوم لوقوعك لأنك لما بتطمن مش بتشتغل بالطاقة والطموح اللي بيشغل أي موهبة صغيرة.
وأضاف تامر حسني: أنا كنت بخاف وأنا طالع المسرح أغني في الحفلات أو أغني في أي فرح، وأفضل أبص من ورا الستارة وكانت الناس اللي معايا بتستغرب ازاي الحالة اللي ببقى فيها دي.
وتابع تامر حسني: كنت متأثر بأحمد رمزي في فتحة القميص، كأي شاب وبطلت فتحة القميص عشان قالولي ولادنا بيتأثروا بيك، وأنا مينفعش أعاند مع الجمهور، ولو إن ده شيء مخترعتهوش وموجود ديمًا بين الشباب.
وقدم تامر حسني خلال الحلقة العديد من الأغاني منها حلوا لمكان وعيش بشوقك وبنت الإيه وصعبة وعمرها حصلتلك دي وافتح قلبك ويا فرحة واختارت صح، وجلس بين الجمهور في الاستوديو لتقديم أغنية تليفوني رن مستعيدًا ذكرياته الجامعية.
