أمهات مصر يطرحن ملف الصفحات الرسمية للمدارس عبر فيسبوك وواتساب للنقاش
طرحت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، موضوع هام في ظل الاعتماد بشكل كبير على نظام الأون لاين والتعليم عن بعد في العملية التعليمية، وهو ملف الصفحات والجروبات الرسمية للمدارس.
وناشدت عبير المدارس بضرورة الاهتمام بصفحاتها الرسمية سواءبموقع التواصل الاجتماعي فيسبوك أو عبر تطبيق واتساب، والتفاعل عليها والرد على استفسارات أولياء الأمور، ونشر محتويات تعليمية مفيدة للطلاب، للاستفادة من هذه الصفحات.
ونشرت عبير على صفحة جروب اتحاد أمهات مصر في فيسبوك، منشور تضمن: جروبات وصفحات مدارسكم.. تقييمكم ليها إيه؟ وإيه اللي بينقصها ومحتاجين يوفروه فيها؟.
تفاعل أولياء الأمور
ولاقى المنشور تفاعل كبير من جانب أولياء الأمور خاصة الأمهات، حيث قالت ولي أمر: للأسف معظم المدارس صفحاتها بتكون لنشر الجداول والسبلايز والأنشطة ونتائج الأوائل علي الدفعات، فقليل من المدارس اللي ممكن نلاقيها مهتمة بنشر محتوي تعليمي على صفحاتها لأنهم يعتمدوا علي جروبات واتساب الخاصة بالمدرسين.
وأضافت ولي أمر: للأسف صفحة مدرستنا مش بتهتم بطلبات أولياء الأمور غير أنها تعتبر هامشية، متأخرة في المعلومات، مفيش اهتمام يومي بنشاط الطلاب والمدرسين داخل المدرسة وعدم التنبيه بأي جديد.
وذكرت أخرى: ياريت المدارس تعمل ملازم المراجعات لكل المواد وتكون مرجع للطلاب، وتابعت أخري: صفحات ليس لها قيمة، المسئولين عنها غير مسئولين بالمرة، لو أي ولي أمر دخل وترك سؤال لا أحد يعيره ويمكن اللي يرد عليه ولى أمر آخر عنده المعلومة، ده غير المعلومات الناقصة اللي بيكتبوها على الصفحة، مفيش مرة يكتبوا تنبيه إلا ويكون مبهم وأما ندخل نستفسر محدش يرد، مفيش صفحة لمدرستنا، اللي موجود صفحة أولياء الأمور، نفسنا في صفحة رسمية للمدرسة وينزل عليها التحديث دائما للأحداث الجارية في مدرستنا، تضيف ولي أمر أخري: "الصفحة بتاعة المدرسة الثانوي بينزلوا كل ما يخص الطالب بس نادرا لما بيردوا على أي سؤال لينا كأولياء أمور والصفحة بتاعة المدرسة الإعدادي مفيش اهتمام أساسا ومش بينزلوا أي جديد.
