نجل شعبان عبد الرحيم: أخويا طردني من البيت وأنا عندي 7 عيال | فيديو
كشف عدوية شعبان عبد الرحيم تفاصيل جديدة في أزمته مع إخوته؛ بسبب توزيع إرث والدهما، مؤكدًا أنه تم طرده من المنزل.
وقال عدوية شعبان عبد الرحيم في فيديو نشره على قناته بـ تيك توك: أنا تعبان أوي.. تعبت خلاص، الأخ اللي يمشي أخوه من البيت عشان خاطر الفلوس، يبقى أصله مش جدع، وأنا خلاص عملت لأخويا بلوك من قلبي مش التليفون بس، وأنا أخوك الصغير، وبقولك مش مرضي باللي حصل.. أنا مش عاوز فلوس خلاص.
وتابع عدوية شعبان عبد الرحيم: أقسم بالله لو الفلوس اللي هتيجي من حاجة أبويا 10 مليون جنيه، أنا مش عاوز منهم جنيه، ولو أنتم هتبقوا مرضيين خلاص، اعملوا كده.
أزمة نجل شعبان عبد الرحيم مع إخوته
وكتب عدوية شعبان عبد الرحيم على الفيديو الذي نشره: أنا مش عايز ورث من حد ولا عايز حاجة أبدأ غير الأدب والاحترام بجد سبوني أعيش في هدوء من غير مشاكل لأن أنا في بداية طريقي وأنا عايش بعيد عنكم محدش عارف عني حاجة أبوس إيديكم سيبوني أقف على رجلي عشان أنا عندي 7 عيال وأنا لوحدي دلوقتي وأبويا مش جمبي عشان يشوف أخويا وهو بيمشيني من البيت.
يذكر أن أزمة بين نجلي الفنان الشعبي الراحل شعبان عبد الرحيم، وهما عدوية وعصام، نشبت في الفترة الأخيرة وذلك بسبب توزيع إرث والدهما، حتى وصلت الأمور بينهما إلى طرد عدوية من منزل والده الذي كان يعيش فيه مع زوجته.
