صفقة خردة بـ 100 ألف جنيه.. تحقيقات مقتل تاجر وحرق جثته على يد مقاول بشبرا الخيمة
كشفت التحقيقات في واقعة مقتل تاجر بشبر الخيمة على يد مقاول، بعد أن زعم المتهم ويدعى ع.م أنه جمع للمجني عليه ويدعى محمد عبدالله عربة خردة بمبلغ رخيص الثمن، ثم هاتفه وطلب منه أن يأتي إلى العنوان الذي أخبره به المتهم، وأن يحضر مبلغًا قدره 100 ألف جنيه ثمن البضاعة، طالبا منه عدم إحضار سيارة لأنه دبر كل شيء، أنه بعد أن وصل المجني عليه نشبت مشاجرة بينه وبين المتهم دفاعًا عن نقوده بعدما اكتشف غدر صديقه، ولكن الأخير أنهى حياته وسرق أمواله ثم أشعل النار في جثته وأخفاها.
خطف وقتل وحرق جثه
وكانت الأجهزة الأمنية تمكنت من إلقاء القبض على ع. م ويعمل مقاول، وبحوزته مبلغ قدره 100 ألف جنيه، وأمرت جهات التحقيق بحبسه.
وحصل القاهرة 24 على أقوال سحر ابنة المجني عليه فيتحقيقات مقتل أبيها على يد مقاول في القضية التي حملت رقم 9246 لسنة 2021.
وإلى نص التحقيقات:
س: ما هي معلوماتك بشأن الواقعة محل التحقيق؟
ج: اللى حصل أن فيه واحد قريبنا اسمه علي محمد الصغير ظهر في حياتها فجاء منذ شهر، وجالنا وقال لوالدي إنه اتعرف على واحد محاسب شغال في مدينة السادات وعنده مزرعة فيها خردة وعايز يبيعها وبعدين عرفه على والدي لأن الاثنين شغالين في الخردة مع بعض، واستمرت العلاقة بينهم لحد يوم الخميس اللي قبل اللي فات 2021/12/9 الراجل ده اتصل بوالدي، وقال له قابلني بكره الجمعة عند مزلقان بتاع نزلة قليوب وجيب معاك 100 ألف وتعالى وومتجبش معاك حد علشان تاخذ البضاعة، وعلى الساعة 4 العصر انقطع الاتصال بوالدي وموبايله كان مقفول وحاولت اتصل على تاجر الخردة اللي من السادات كان موبایله مقفول هو كمان، ورحت بعدها إلى قسم أول شبرا علشان أعمل محضر تغيب، لكنهم رفضوا وقالوا لي أعمل المحضر في قسم قليوب مكان تغيبه، وفضلت انتقل ما بين قسم شبرا وقليوب لأيام وفي الآخر بعت إشارة نجدة وساعتها مأمور قسم أول شبرا عمل لي المحضر وبعدها بكام يوم فيه عربية من قسم أول، جت خدتنا ووداتنا مديرية أمن المنوفية وورولنا صورة جثة محروقة وبعدها طلعنا على نيابة السادات ومنها على الطب الشرعي وفي الآخر الطب الشرعي علشان تعمل DNA جينا النهاردة عشان نشوف نتيجة تقرير الطب الشرعي قال ايه ونستلم الجثمان.
س: متى وأين حدث ذلك؟
ج: واقعة تغيب والدي كانت يوم الجمعة الموافق 2021/12/10 وانقطع الاتصال بنا الساعة الرابعة عصرًا، واللي أعرفه أنه كان رايح يقابل محاسب عنده مزرعة في مدينة السادات، وكان رايح يقابله عند مزلقان قليوب.
س: من كان برفقته آنذاك ؟
ج: هو راح لوحده علشان التاجر ده قال له تعالى لوحدك ومتجبش معاك حد.
س: وما سبب ومناسبة تواجده بذلك الزمان والمكان؟
ج: هو كان رايح عند مزلقان بناء على مكالمة هاتفية بينه وبين تاجر الخردة علشان يشتري منه بضاعة.
س: وما هي مواصفات والدك تحديدًا؟
ج: هو كان طويل نحو 180سم ورفع ونحيف وبشرته بيضاء، وكان أصلع وكان عنده شنب كثيف لونه أبيض
س: وما هي بيانات والدلك تحديدًا ؟
ج: محمد عبدالله جلال عبدالله مواليد 1949/3/21 ومتزوج من هنية أحمد إبراهيم ومعندوش أبناء غيري.
س: وما مدى وجود علامات مميزة بجسد والدك؟
ج: هو كان خالع أغلب ضروسه وكان مركب شبكة على بطنه عشان كان عنده مشكلة في البروستاتا.
س: وكيف نما علمك أن الجثمان مجهول الهوية هو لوالدك؟
ج: عشان في حد خدنا تبع قسم أول شبرا وودانا مديرية أمن المنوفية وورانا صورة هناك لجثه محروقة، وبعدها طلعونا على نيابة السادات ومنها رحنا على الطب الشرعي علشان تعمل DNA، وبعدها جينا النهاردة عشان نشوف الطب الشرعي قال إيه ونستلم الجثمان.
س: وهل قمتي بالتعرف على ذلك الجثمان ؟
ج: أيوه هو رئيس المباحث قسم أول شبرا الخيمة وراني صورة وأنا أتعرفت عليه.
س: وكيف تمكنتي من ذلك ؟
ج: أنا عرفته من شكل الجمجمة بتاعته وشكل رأسه من فوق لأنها مكنتش اتحرقت أوي.
س: وما هي طبيعة عمل والدك تحديدا ؟
ج: هو والدي يعمل تاجر خردة.
س: وما هي حالته المادية؟
ج: إحنا مرتاحين ماديا جدا الحمد لله لأن والدي بقاله أكثر من 30 سنة شغال تاجر خردة.
س: وما هو تاريخ تغيب والدك؟
ج:هو تغيب يوم الجمعة الموافق 10/12/2021.
س: وإلي أي الأماكن كان سالف الذكر متجها ؟
ج: هو كان سايب البيت بتاعنا اللي في منشية عبد المنعم رياض شبرا الخيمة، وكان رايح لعمل الخردة بتاعه في قليوب عشان يجيب فلوس من الخزنة وبعدها راح يقابل التاجر.
س: ومتى تحديدا غادر سالف الذكر المنزل ؟
ج: هو كان طلع الساعة العاشرة صباحًا تقابلوا عند مزلقان قليوب.
س: وما الملابس التي كان يرتديها سالف الذكر ؟
ج: هو كان لابس جلابية صفراء، وجزمة جلد نبيتي غامق وعمة بيضاء وشال بني وكان لابس خاتم فضة بفص نبيتي.
س: وما هي حالة أنف البيان الصحية والنفسية حال خروجه من المنزل ؟
ج: بالرغم من أنه عنده 70 سنة بس هو كان بيمشي على رجله وصحته كويسة الحمد لله ومكنتش في أي مشاكل نفسية.
س: ومتى تحديدا أنقطع الاتصال به ؟
ج: هو موبايله اتقفل على الساعة 4 العصر.
س: ومتى كانت آخر مكالمة دارت فيما بينكما ؟
ج: والدتي اللي كلمته والساعة ساعتها كانت 2.30.
س: وما هو مضمون تلك المكالمة ؟
ج: هو قالها إنه لسه طالع من المحل بتاعه وهيروح يقابل الناس عند مزلقان قليوب.
س: وما مدى حمل المدعو محمد عبد الله جلال لثمن مبالغ مالية أو متعلقات ثمينة بحوزته ؟
ج: هو كان طالع بحوالي تسعة وعشرون ألف جنيه، وكان هيكمل باقي المبلغ علشان يوصلهم 100 ألف من الخزنة بتاعته اللي موجودة في المحل.
