يحيى الفخراني: قررت الابتعاد عن السينما بعد المتشردان.. وعادل أدهم رفض العمل معي
تحدث الفنان القدير يحيي الفخراني، عن أعماله الفنية وعن كواليس فيلم خرج ولم يعد وفيلم المتشردان، مشيرا إلى أنه قرر عدم المشاركة في أي فيلم من بعده.
وقال يحيى الفخراني خلال لقائه مع الفنانة إسعاد يونس في برنامجها صاحبة السعادة عبر شاشة DMC: فيلم خرج ولم يعد كان صعبا بالنسبالي جدا، عشان مشهد الفار اللي في السجن، وأنا مش بحب الفران والمخرج قالي الفار هيمشي قدام وشك ساعتها مكنتش عارف أعمل أيه وشديت معاه وقولتله مش هعمله، وقالي المشهد مش هينفع يتلغي ولما شغلوا الإضاءة الفار مات قولتلهم شوفتوا بقى ربنا مش عايز المشهد.
وأضاف يحيي الفخراني: فريد شوقي مكنش مقتنع بالفيلم عشان مشوار التصوير في محافظة تانية وكانت أجواء التصوير مش سهلة بس هو الوحيد اللي وافق يشتغل معايا، وعادل أدهم رفض والوحيد اللي وافق فريد شوقي.
وتحدث يحيي الفخراني عن قراره بعدم المشاركة في أي أعمال سينمائية بعد فيلم المتشردان، قائلا: قررت مش هعمل سينما بعد المتشردان بس حد بعتلي سهرة تليفزيونية الرهان وقولت آخرتها أعمل سهرة تليفزيونية، بس أول ما قريت عجبني جدا وكلمت المخرج وقولتله أنا هشتغل معاك، وفعلا نجحت جدا وكان قرار مناسب.
فيلم خرج ولم يعد
وفي سياق متصل، فيلم خرج ولم يعد، من إخراج محمد خان، وتأليف عاصم توفيق، وشارك في الفيلم العديد من الفنانين، منهم فريد شوقي، ليلى علوي، وعادية عبد العزيز.
