حمو بيكا يهاجم عمر كمال: أنا اللي عملتك.. وريني هتنجح أزاي يا صاحب مزيف
هاجم مؤدي المهرجانات الشعبية حمو بيكا، مطرب المهرجانات الشعبية عمر كمال، ووجه له انتقاد لاذع.
وقال حمو بيكا، في بث مباشر له عبر حسابه الرسمي على موقع تبادل الصور والفيديوهات انستجرام: أنا اتصلت بعمر كمال فوق ال6 مرات وال7 مرات ومردش عليا، وعمر كمال بقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها.
وواصل: يعني ربنا ثم أنا، وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه.
وأضاف حمو بيكا: يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف.
آخر أعمال حمو بيكا
والجدير بالذكر، طرح حمو بيكا اليوم على موقع الفيديوهات يويتوب، أغنية جديدة تحمل اسم مستفزة بالتعاون مع عمر كمال ونور التوت.
آخر أعمال عمر كمال
وعلى جانب آخر، طرح عمر كمال أغنية جديدة تحمل اسم بحبك، وهي هدية من الفنان أحمد العوضي لزوجته الفنانة ياسمين عبد العزيز في عيد ميلادها منذ عدة أيام، ونالت الأغنية إعجاب الملايين، حيث تخطت حاجز ال2 مليون مشاهدة منذ طرحها على موقع الفيديوهات يوتيوب، وتصدرت تريند مواقع التواصل الاجتماعي.
