جمهوري أكبر من إليسا ورفضت أغنية مأثر فيي لفضل شاكر.. أبرز تصريحات نوال الزغبي في حبر سري
حلت الفنانة نوال الزغبي، ضيفة على الإعلامية أسما إبراهيم في برنامجها حبر سري المذاع عبر شاشة القاهرة والناس، وتحدثت نوال الزغبي عن قصة حبها وهي طفلة في المرسة، بجانب الرد عن الشائعات المنتشرة.
وفي النقاط التالية نستعرض لكم أبرز تصريحات نوال الزغبي في برنامج حبر سري: -
-بحب حياة العزوبية ومش عايزة أتجوز؛ لأني بحب الحرية.
-ندمت على رفضي تمثيل فيلم مع أحمد زكي، ولو رجع بيا الزمن همثل معاه.
-بعشق أحمد زاهر، ونفسي أمثل معاه.
-لم أتعرض للتسمم في أحد الفنادق بسوريا، وكنت تعبانة من وأنا في الطريق.
-معنديش أعداء، وتقبلت فكرة الشائعات لأني فنانة ومشهورة ودا شيء طبيعي.
-شائعة أني حامل بتؤام أعمي أكتر شائعة أذتني نفسيا، واللي قال كدا مريض نفسي.
-الناس العزاز والقريبين علموني الأدب، لأني بزعل من القريب مني.
-فضل شاكر صوت عظيم وحرام نتحرم من صوت زي دا، وبالنسبالي هو صوت مميز والساحة الفنية محتاجة الأصوات دي.
-متعتي أني أكون أم، وبنتي بقت كبيرة وأنا مش بجبرها على حاجة وهي تختار تقعد معايا أو مع والدها.
- أغنية فضل شاكر مأثر فيي عرضت عليا ولكني رفضها، وأغنية حسين الجسمي قول رجعت ليه؛ ورفضها لأني كنت بقفل ألبوماتي.
-لو فيه حفلة لـ إليسا وحفلة ليا في مصر، جمهوري هيكون أكبر، ومفيش فنان بيتكلم عن نفسه.
-إليسا فنانة كبيرة ومحبوبة وليها جمهور، وأنا مبقتش أشغل نفسي بالمقارنات؛ لأن دا رزق مكتوب لكل واحد.
-أول حب في حياتي وأنا طفلة بالمدرسة عندي 15 سنة وكان فيه بينا مكالمات واعترفلي بحبه وساعتها أنا اعترفتله.
