ويجز: لا أفضل فكرة الجواز الآن.. وأخاف من الديون
تحدث مطرب الراب ويجز عن مخاوفه في الحياة، ورأيه في الزواج وإمكانية إقباله على تلك الخطوة لتكوين أسرة خاصة به.
قال ويجز خلال حواره مع الإعلامي أنس بوخش ببرنامج AB Talks: مش هقدر أقول بحب فكرة الزواج دلوقتي وأشوف نفسي في المستقبل كأب، وكل واحد بيدور على نقطة الاستقرار اللي بيدور فيها على الشخص اللي يعيش معه.
أما عن مخاوف ويجز، تابع: وأخاف من الديون أو أقع والشغلانة دي عامة زي ما النجم بيلمع بينطفي بعدين أو بيبقى الشخص فنان كبير، يعني يا تكمل يا تقع، فأنا مش عايز أقع قبل ما أكون أسرتي أو بيت.
وأضاف ويجز: شخصيتي صعبة جدًا يمكن 24 مود في الساعة ويمكن تبقى في الربع ساعة كمان والله يكون في عون أصحابي، وقبل كل حفلة بقول مش عايز أطلع، بيحصل حاجات بتلمس معايا فببقى رافض لكن لما بتراضى فببقى تمام واطلع، زمان شوية ببقى متنشن من الناس ومن الحركة، أنا مش شخص انطوائي وأحب أكون مع الناس بس ناس معينة.
ويجز والشهرة
وأشار ويجز إلى أنه لا يحب الشهرة مطلقًا، وذلك لأنه شخصية اجتماعية وذلك الأمر يقيد حركته، فإذا أراد يومًا أن يتسوق في إحدى المولات فبدلًا من خروجه في المساء، يمكن أن يخرج في الصباح الباكر لتلافي اجتماع الجمهور حوله، وعلى صعيد أخر فإن تلك الشهرة هي التي تجعل من حفلاته أفراحًا لكِبَر الأعداد التي تحضرها، فيصبح عريسًا في كل ليلة.
